Ouvir RAFA Ritmo, Voz e Coração de Timor
Díli, 19 Outubru 2026 (RAFA)- Iha Orsamentu Jerál Estadu (OJE) 2027 iha Orsamentu Jerál Estadu 2027 kontinua tau prioridade ba atividade sosiál, konferénsia Orasis, Tour de Timor, Díli Internasionál Maratona no kontinua atividade regular Dapur ba Povu, Enpoderamentu ba Feto no mós atividade seluk ne´ebé kontinua fó benefisu ba sosiedade.
Xefe Casa Civil, Henriqueta Maria da Silva ba jornalista sira iha Parlamentu Nasionál, Segunda-ne’e hatete, objetivu Prezidénsia Repúblika halo audiénsia ho Komisaun A- Parlamentu Nasional ko’alia kona-bá ezekusaun Orsamentu Jeral Estadu OJE 2026 no mós programa prioridade Orsamentu Jeral Estadu OJE 2027 nian.
Nia afirma atividade prioridade seluk mak kona-bá relasaun Internasionál asuntu bilateral no multirateral nomós kona-bá serimonia kondekorasaun sira.
“Ami relata kona-bá programa prioridade sira ne’ebé sei kontinua halo iha 2027 nafatin halo atividade ne’ebé ami halo tinan ida-ne’e sei kontinua nafatin ba 2027 ho orsamentu pakote fiskál ne’ebé fó ba ami millaun 11,3 USD hanesan ne’e,” hatete Xefe Casa Civil, Henriqueta Maria da Silva.
Sorin seluk, Prezidente Komisaun A trata asuntu Konstituisaun no Justisa Deputadu Natalino dos Santos hatete objetivu husi audiénsia públika ne’e mak atu rona opiniaun husi instituisaun estadu sira.
“Komisaun A ohin halo audiénsia ho sira liuliu Prezidénsia Repúblika, audiénsia públika ne’e objetivu atu rona sira liuliu kona-bá sira no ezekusaun 2026 ne’ebé aprova tiha ona iha tinan uluk depois sira atu hato’o fila-fali previzaun no espetativa sira nian ba Orsamentu Jeral Estadu 2027 mai Komisaun A elabora relatoriu paraser ba Komisaun C hodi lori ba plenária iha debate jeneralidade,” hatete Prezidente Komisaun A, Deputadu Natalino dos Santos.
Jornalista: Zita Menezes
Written by: RafaFM
Dapur ba Povu Prezidénsia Repúblika Prioritiza Atividade Sosiál Tour de Timor no Díli Internasionál Maratona iha OJE 2027
todayNovember 20, 2026 12 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt