Ouvir RAFA Ritmo, Voz e Coração de Timor
Abu Dhabi, 13 Novembru 2026 (RAFA)- Prezidente Repúblika, José Ramos-Horta ho delegasaun, to’o ona iha Abu Dhabi, Emiradus Árabes Unidus (EAU), hodi hala´o misaun atu hametin kooperasaun bilaterál Timor-Leste no EAU.
Jornalista RAFA, Cristina Ximenes, ne’ebé akopaña vizita Estadu nian iha Abu Dhabi, relata katak vizita PR José Ramos-Horta nian ba EAU ne´e hanesan vizita kontinuasaun husi vizita Estadu nian ba iha Repúblika Korea, Beljika no Fransa.
Iha aeroportu Internasionál Abu Dhabi, Prezidente Repúblika simu husi Embaixadór Repúblika Demokrátika Timor-Leste iha EAU, Rui Manuel Hanjam, Ministru Estadu iha Ministériu Negósiu Estranjeiru, Saeed Bin Mubarak Al Hajeri, ho Embaxadór Emiradus Árabes Unidus Naun Rezidente iha Timor-Leste, Abdulla Salem Al Dhaheri.
Hafoin ne’e, Prezidente Repúblika, José Ramos-Horta ho delegasaun sai husi aeroportu ba Otél Emirantes Palace hodi deskansa no prepara ba atividade ofisiál tuir mai.
Tuir ajenda katak iha Sesta, 13 Novembru, hale’u 3:30 oras Abu Dhabi, Prezidente Repúblika, José Ramos Horta vizita safari iha rai maran.
Iha loron Sábadu, 14 Novembru, Prezidente Repúblika sei iha almosu ho Salah Sharaf iha fatin Emirates Palace Hotel no kontinua ho enkontru entre Prezidente Repúblika José Ramos-Horta no Ministra Estadu iha Ministériu Negósiu Estranjeiru Emiradu Árabe Unidu Noura Al Kaabi, iha sala enkontru, Suite Prezidensiál, Emirates Palace Hotel.
Iha Domingu 15 Novembru, enkontru bilaterál entre Prezidente Repúblika, José Ramos-Horta ho Prezidente Emiradu Árabe Unidu, Sheikh Mohamed bin Zayed Al Nahyan.
Iha Segunda, 16 Novembru 2026, hale’u tuku 10:00 oras Abhu Dhabi, Prezidente Repúblika, José Ramos-Horta, sei fó onra ba Juis Mohamed Abdelsalam, Sekretáriu Jerál husi Prémiu Zayed ba Fraternidade Umanu iha fatin Eskritóriu Prémiu Zayed nian ba Fraternidade Umanu Etihad Towers. ***
Written by: RafaFM
PR José Ramos-Horta ho Delegasaun To'o Ona Abu Dhabi Ba Misaun Estadu iha EAU
todayNovember 20, 2026 11 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt