PPN Fernanda Lay husu Populasaun Poupa Enerjia no Hamenus Viajen Sira La Nesesáriu

Prezidente Parlamentu Nasionál (PPN), Maria Fernanda Lay

Díli, 27 AbrÍl 2026, (Rafa.tl)- Prezidente Parlamentu Nasionál (PPN), Maria Fernanda Lay, husu ba populasaun poupa enerjia no hanenus viajen ne’ebé la besesáriu tanba kombustível karun kauza husi funu iha Médiu Oriente.

Notísia Relevante: PM Xanana Esklarese Kona-Bá Governu Ajusta Urjente Fornesimentu Kombustível Ba ETO

“Parlamentu Nasionál mós kontinua foti medida  hodi  halo fiskalizasaun hale’u munisípiu sira hodi haré ba preokupasaun públiku nian kona-bá kombustivel. Ha’u hanoin prosesu ne’e ko’alia ona iha Parlamentu Nasionál, tanba vizita fiskalizasaun bainhira ita la’o kuaze haleu hotu no komisaun hotu-hotu ba munisípiu,” Prezidente Parlamentu Nasionál Maria Fernanda Lay haktuir hafoin halo enkontru ho Prezidente Repúblika iha Palásiu Prezidensiál, Segunda (27/04/2026).

Maria Fernanda Lay hateten  mézmu Parlamentu Nasionál halo orsamentu ratifikativu ba presu kombustivel, maibé nia kontinua husu ba konsumidór sira, poupa enerjia,  ho hamenus mós viajem sira ne’ebé la importante, atu nu’une’e bele to’o iha tinan 2026 tuir orsamenttu ne’ebé maka governu preve ona.

‘’Ha’u hanoin durante kombutivel ne’e ita importa, klaru katak ita tenke poupa nune’e orsamentu ne’ebé tau ona 2026 bele to’o, ita tenke hamenus, ita ninia atividade deslokasaun,” Nia subliña.

Governu liu husi Reuniaun Konsellu Ministru, Kuarta 01 fulan-Abríl 2026, aprova deliberasaun ne’ebé aprezenta husi Ministru Petróleu no Rekursu Mineral, Francisco da Costa Monteiro, hodi aprova despeza no abertura husi prosedimentu aprovizionamentu ida ba akizisaun kombustível ho autorizasaun despeza maizumenus millaun US$168,8 ba akizisaun gazoleu litru millaun 80 no mós ba implementasaun prosedimentu aprovizionamentu liu husi ajusta direitu urjente.

Desizaun ida-ne’e ho objetivu atu garante estabelesimentu rezerva seguransa ida iha autonomia to’o tinan ne’e nia rohan, hanesan antesipasaun karik akontese falta kombustível ne’ebe maka’as liu tanba prolongamentu hosi konflitu iha Médiu Oriente.

Jornalista: Remigia Locatelli/Editór: Vito Salvadór