Polísia Kaptura Suspeitu Na’in-14 Ba Kazu Sunu Uma 18 iha Laclubar

Portavós Komandu Jerál PNTL, Superintendente Xefe Polísia, João Belo dos Reis. Imajen/Rafa.tl

Díli, 06 Jullu 2026 (RAFA.TL)-Polísia Nasionál Timor-Leste (PNTL) kaptura suspeitu na’in-14 ne’ebé komete konfrontu fiziku iha área Seurtulan, Aldeia Lei, Suku Orlalan, Postu Administrativu Laclubar, Munisípiu Manatuto.

Konfrontu ne’ebé akontese iha Domingu-kalan, 5 Jullu 2026, rezulta uma hamutuk 18 hetan sunu  no autpridade sira evakua vitíma sir aba fatin seguru.

 Porta-vós Komandu Jerál PNTL Superintendente Xefe João Belo dos Reis, informa konfrontu ne’e envolve komunidade husu suku rua; Orlala ho Fatumakerek, nune’e PNTL Munisípiu Manatuto halo atuasaun hodi kaptura suspeitu na’in-40 ne’ebé detein ona iha sela Polísia Manatuto.

Polísia Nasionál Timor-Leste hakle’an hela investigasaun no rekolla prova sira hodi bele deskobre loloos motive husi kazu ne’e,

Polísia husu ba Manatuto oan sira  atu mantein kalma, evita halo asaun retaliasaun no koopera ho  PNTL iha prosesu levantamentu no  investigasaun.

“Vitíma sira ne’ebé sofre husi kazu ne’e agora autoreidade sira evakua ona sira ba iha fatin seguru no Polísia kontinua asegura lokal krime,”  Superintendente Xefe João Belo dos Reis, informa ba jornalista sira, Segunda (6/7/2026).

Superintendente Xefe João Belo dos Reis hateten Polísia Diresaun Servisu Investigasaun Kriminál  (DSIK) mobiliza mós ekipa hodi tun ba iha lokal krime atu buka hatene lolos kauza husi insidente ne’e para identifika autór sira ne’ebé envolve no lori sira ba prosesu Ministériu Públiku.

Primeiru-Ministru, Kay Rala Xanana Gusmão, Segunda (06/07/2026), maizumenus iha oras tuku 11: 43 Otl, tun direita ba iha Komandu Jerál Polísia Nasionál Timor-Leste (PNTL) hodi fó orientasaun ba Komandante Jerál no segundu Komandante atu haruka ekipa Polísia Diresaun Servisu Investigasaun Kriminál  (DSIK) ba Munisípiu Manatuto, iha fatin lokal krime.

Jornalista : João Carlos/Editór: Vito Salvadór