play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Noticias

Polísia Detein Reitór UNTL ho Nia Dirijente Na’in-Lima

todayJanuary 13, 2026 739 24

Background
share close

PNTL halo buska, apreensaun no detensaun ba reitór UNTL ho nia dirijente na'in-lima seluk tan, Tersa (13/01/2026). Imajen/Rafa.tl

DILI, RAFA.tl– Polísia Nasionál Timor-Leste (PNTL), liu husi Diresaun Servisu Investigasaun Kriminál Nasionál (DSIKN) ezekuta mandadu Tribunál Judisiál Primeira Instánsia Díli (TJPID) hodi halo buska, apreensaun no detensaun ba Reitór Universidade Nasionál Timor Lorosa’e (UNTL) ho mós  nia dirijente na’in-lima tan.

Notísia Relevante: Diresaun Inspesaun Jerál no Auditoria UNTL Keixa Reitór João Soares Martins Ba PNTL

PNTL halo buskan, apreensaun no detnesuan ba dirijente sira iha UNTL. Imajen/Rafa.tl

Buska, detensaun no apreensaun ne’e, hala’o iha Tersa (13/01/2026), hale’u tuku 09:00 dadér,   iha edifísiu UNTL bazeia ba kazu ho  NUC 086/25-PNSIK.

Molok autoridade seguransa halo buska, apreensaun no detensaun ba dirijente sira UNTL nian ne’ebé suspeitadu ba kazu krime falsifikasaun dokumentu ka notasaun téknika, ne’ebé akontese iha tinan 2024.

Suspeitu sira ne’ebé notifikadu iha dukomentu TJPID nian hodi halo buska, apreensaun no detensaun ne’e  koopera ho autoridade seguransa hodi entrega aan no entrega mós dokumentu sira ne’ebé pertense ba nesesidade investigasaun nian nu’udár prova ka evidénsia.

Halo tiha buska no apreensaun ba Reitór ho ho dirijente UNTL nian na’in-lima seluk tan ne’e, polísia mós kontinua kedan ba halo buska no apreensaun ba  suspeitu idaidak nia rezidénsia hodi  rekolla tan evidénsia balun ba interese investigasaun nian.

Autoridade Polísia lori kedas suspeitu sira ba edifísiu Servisu Investigasaun Kriminál Nasionál  iha Komandu Jerál PNTL hodi submete ba prosesu identifikasaun, hafoin ne’e detein sira durante oras 72 hodi aprezenta ba Ministériu Públiku (MP)  no kontinua submete ba prosesu judisiáriu iha Tribunál Judisiál Primeira Instánsia Díli.

PNTL ezekuta mandadu Judisiál hodi halo buska, apreensaun no detensaun iha UNTL ne’e tanba  deskonfia iha violasaun ba Lei Kodigu Penál Timor-Leste  ne’ebé  previstu iha artigu 303 kona-bá falsifikasaun ba dokumentu ka Notasaun Téknika.

Reportajen Ekipa Rafa.tl

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!