play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Noticias

PNTL Preparadu Fó Seguransa Ba Selebrasaun Loron Restaurasaun Independénsia iha Tasi-tolu

todayMay 18, 2026 34

Background
share close

Komandante PNTL Munisípiu Díli, Komisáriu Asistente Polísia  Orlando Gomes.

Díli, 18 Maiu 2026 (RAFA.TL)- Polísia Nasionál Timor-Leste (PNTL) Munisípiu Díli iha ona preparasaun másimu atu asegura seguransa ba selebrasaun loron restaurasaun independénsia ba dala-XXIV iha Tasi-tolu, 20 Maiu 2026.

Komandante PNTL Munisípiu Díli, Komisáriu Asistente Polísia  Orlando Gomes ba jornalista sira  iha Díli, Segunda (18/05/2026) hatete, Komandu Polísia Díli simu ona despaixu husi Komandu Jerál PNTL hodi halo preparasaun seguransa atu asegura selebrasaun loron restaurasaun independénsia iha loron 20 Maiu iha Tasi-tolu atu bele la’o ho di’ak no hakmatek.

“Ami halo preparativu ba seguransa ba loron restaurasaun ne’e, primeiru ami halo sosializasaun ba iha ita-nia estudante sira, halo mós diálogu ho ita-nia líder komunitáriu ho komunidade sira para ita bele garante seguransa molok ita tama iha komemorasaun loron restaurasaun Independénsia nian,”  Komisáriu Asistente Polísia Orlando Gomes infroma.

Orlando Gomes afirma, Komandu Díli sei koloka membru Polísia sira no mós Polísia Unidade seluk ba iha fatin serimónia komemorasaun loron restaurasaun independénsia, no durante selebrasaun ne’e PNTL sei halo mós patrullamentu la’o ain tama bairu sira iha kapitál Díli, nune’e garante ema hotu seguru ba festeza loron restaurasaun Independénsia.

“Ita halo patrullamentu la’o ain tama-sai ba  bairu laran sira para garante situasaun seguransa iha Kapitál Díli la’o ho di’ak ne’ebé envolve mós husi Unidade Espesiál Polísia, Unidade Polísia Marítima, Unidade Patrullamentu Fronteira hodi garante seguransa ba loron independénsia,” Orlando Gomes hateten.

Komandante Polísia Munisípiu Díli ne’e subliña sira halo ona kordenasaun ho Unidade Espesial Polísia atu koloka postu rua, ba iha fatin atividade konsertu no espozisaun no mos ba fatin serimónia ninian tanba iha bainaka espesial husi rai liur ne’ebé mos tuir ajenda sei partisipa iha komemorasaun loron restaurasaun Independénsia ne’e.

Jornalista: João Carlos/Editór: Vito Salvadór

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!