Noticias

PNTL Husu Komunidade Kria Paz no Estabilidade

todayOctober 6, 2026 33

Background
share close

Díli, 06 Outubru 2026 (RAFA)- Komandante Polísia Nasionál Timor-Leste Munisípiu Dili, Komisáriu Asistente Polísia Orlando Gomes, husu komunidade Suku Comoro atu kria paz no estabilidade iha suku laran, nune’e  hamutuk kria ambiente ida ne’ebé nakonu ho unidade iha bairu, aldeia, suku, too’ ba postu-administrativu no munisípiu.

“Ita hotu hamutuk mak bele prevene krime sira iha ita nia rai laran. Ita hotu hamutuk fó liman ba malu atu ita kontrola atividade ilísitu sira iha ita nia rai laran,” Komisáriu Asistente Polísia Orlando Gomes haktuir iha nia intervensaun iha serimonia lansamentu tara bandu iha Suku Comoro, Tersa-ne’e.

Komisáriu Asistente Polísia ne´e husu sidadaun  hotu tenke respeita rai ne´e, tanba erói sira ne’ebé mate husik hela hanesan eransa no tenke proteze no kontrola. Hahú kedas husi líder komunitária,  xefe aldeia, xefe suku, administradór postu ba to’o prezidente autoridade munisípiu sira.

Komandante PNTL Munsípiu Díli ne’e hateten atu bele iha paz no estabilidade iha rai-laran, la’ós polísia mesak nia responsabilidade, maibé hotu-hotu. Tanba ne’e, ho tara bandu, fiar katak bele ajuda redus konflitu, no krime sira ne’ebé mosu iha komunidade.

“Tara Bandu mak hanesan matadalan, atu bele kumpri. Labele tara bandu tiha hotu, regulamentu la kumpri. Tara bandu hotu-hotu akompaña iha Timor laran tomak hala’o tara bandu iha suku, postu no mós iha munisípiu sira,” Nia esplika.

Komandante Polísia Munisípiu Díli ne´e argumenta, nu’udar sidadaun ne’ebé di’ak, no iha responsabilidade tenke respeita ba lei, kumpri orden ne’ebé regula iha rai ne’e.

“Ita hotu-hotu bainhira kumpri orden no lei, ita nia nasaun ne’e forte,” nia konklui.

Jornalista: Cristina Ximenes

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!