PNTL ho PAM Díli Alerta Ba Motorista Sira Disiplina iha Utilizasaun Estrada Públiku

PNTL Munisípiu Díli ho PAM Díli halo konferénsia imprensa konjunta hodi alerta ba motorista sira disiplina iha utiliza estrada públiku, Kinta 13 Agostu 2026.

Díli, 13 Agostu 2026 (RAFA) – Segundu Komandante Polísia Nasionál Timor-Leste (PNTL), Munisípiu Díli, Superintendente Polísia Luis da Silva hamutuk ho Prezidenti Autoridade Munisípiu Díli,  Francisco dos Santos, alerta ba motorista hotu atu disiplina no responsabilidade bainhira uza estrada públika, hodi prevene asidente no garante seguransa ba utilizadór estrada sira.

“Kondus karreta no motór tenke kumpre regra tránzitu nian, dalan ne´ebé mak estadu prepara ona parte liman los no lima karuk, karik kondus karreta la’o neineik tenke liu husi liman karuk, nune’e fó espasu iha parte lima loos ba ema seluk hodi bele hala’o nia atividade,” Superintendente  Polísia Luis da Silva haktuir ba jornalista sira  iha konferénsia imprensa konjunta ho PAM Díli, Kinta-ne´e.

Prezidente Autoridade Munisípiu (PAM) Díli, Francisco dos Santos, husu komunidade sira, liliu sira ne’ebé utiliza karreta no motór presiza iha konsiénsia kumpre regra tránzitu.

“Regulamentu tránzitu sira ne´ebé mak implementa ne’e lei, maibé importante liu mak konsiénsia atu utilija motorizada sira ne’e, kuandu uza motór ne’ebé ho kanu resin, prezudika ita nia komunidade sira nia desnkasa,” Francisco dos Santos haktuir.

Autoridade Díli husu motorista sira tenke kumpre sinalizasaun tráfiku, respeita limite velosidade, uza kapasete ba ema ne’ebé kondús motór no uza sintu seguransa ba motorista no pasajeiru iha karreta, no la halo manobra ne’ebé bele tau ema seluk nia vida iha perigu.

Komandu Polísia Díli hateten ba motorista sira ne’ebé mak kondus karreta ho motór la kumpre regra tránzitu maka sei aplika koima.

Polísia Tránzitu nafatin halo monotorizasaun ba transporte sira ne´ebé okupa espasu públiku, iha bairru laran no mós estrada protokolu sira. Bainhira identifika  okupa  liu minutu lima sei hetan sansaun.

Jornalista: João Carlos