play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Noticias

PNTL Fó Apoiu Másimu Ba SEATOU Ordena Sidade Díli

todayAugust 21, 2026 62

Background
share close

PNTL Munisípiu Díli fó apoiu nafatin ba SEATOU hodi ordena sidade Díli. Imajen/dok.SEATOU

Díli, 21 Agostu 2026 (RAFA)- Komandante Polísia Nasionál Timor-Leste (PNTL) Munisípiu Dili, Komisáriu Asistente Polísia Orlando Gomes, konitnua  fó apoiu másimu ba atividade Sekretáriu Estadu Asuntu Toponímia no Organizasaun Urbana (SEATOU) hodi hordena sidade Díli.

“A mi apoiu SEATOU liu-liu iha Díli forma ekipa ida hodi loro-loron hamutuk ho SEATOU, tau-matan no ordena sidade Díli,” Komadante PNTL Munisípiu Díli, Komisáriu Asistente Polísia Orlando Gomes informa hodi responde jornalista sira iha Díli, Sesta-ne’e.

Komandante PNTL Munisípiu Díli ne´e hatutan, atu hadi’a kapitál Díli sai mudansa ne’e seguransa mak importante. Tanba ne’e, PNTL tenke apoiu másimu ba SEATOU no mós ba Prezidente Autoridade Munisípiu Dili, atu nune’e, bele organiza sidade Díli ho di’ak.

Nia dehan bainhira  haré iha terrenu mak mudansa situasaun ruma, Komandu Polísia Díli orienta nia forsa rezerva hodi  bele apoiu atu servisu SEATOU nian ne’e ba oin, hodi hadi’a Díli.

Komandante Orlando Gomes mós hanoin hikas nia esperiénsia bainhira vizita nasaun seluk hanesan Luanda, Áfrika. Maski pasadu ho konflitu boot maibé ohin loron sira nia sidade moos no dezenvolvimentu la’o tanba servisu hamutuk.

Jornalista: Juvinal Cabral dos Santos/ João Carlos

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!