Ouvir RAFA Ritmo, Voz e Coração de Timor
Díli, 08 Outubru 2026, (RAFA) – Polísia Nasionál Timor-Leste (PNTL), liu husi Diresaun Servisu Investigasaun Kriminál (DSIK) aprezenta inisiadór ba empreza Invesplar Kreativu Furak. Lda (IKF) h onia diretór jerál ba Ministériu Públiku atu kontinua prosesu legál.
Diretór Interinu Diresaun Servisu Investigasaun Kriminál, Superintendente Asistente Polísia Angelo Quelo, informa DSIK simu keixa husi vítima na’in-523 ne’ebé durante ne’e entrega osan ba suspeitu na’in-rua ho promesa atu asesu kreditu karreta no motorizada liu husi empreza refere.
“Iha fulan kotuk, suspeitu sira halo ona akordu iha Polísia Eskuadra Kristu-Rei atu devolve fila osan vítima sira nian iha loron 7 fulan-Outubru ne’e. Maibé, to’o data ne’ebé determina, suspeitu sira seidauk devolve osan ne’e, tanba ne’e mak polísia kontinua prosesu investigasaun no halo identifikasaun ba suspeitu sira, ” Superintendente Asistente Polísia, Angelo Quelo ba jornalista sira iha Kuartél Jerál PNTL iga Díli, Kinta-ne’e
Superintendente Asistente Polísia haktuir vítima na’in-523 ne’e inklui ema na’in-14 ne’ebé empreza promete atu fó karreta ba sira. Kada vítima entrega osan ho montante US$2,535.00. Enkuantu vítima sira seluk, empreza promete atu fó motorizada, ho osan adiantadu kada ema hamutuk US$285.00.
Tuir relatoriu ne´ebé vítima sira aprezenta, osan ne’ebé vítima sira entrega ba suspeitu na’in-rua nu’udar na’in ba empreza IKF hamutuk US$50,395,5, maibé vítima seluk nafatin mai keisa hakarak Suspeitu nain rua atu devolve fila sira nia osan.
Tuir infomasaun ne’ebé RAFA asesu katak suspeitu ida hanesan na´in ka insiadór ba Empreza IKF no Kompañia Raimakmor, halo kazu bebeik husi aktu bosok ema liu husi kreditu.
Jornalista: João Carlos/ Juvinal Cabral
Written by: RafaFM
PNTL Aprezenta Suspeitu Na’in-Rua husi Empreza IKF Ba Ministériu Públiku
todayNovember 20, 2026 13 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt