play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Noticias

PN Fó Votu Pezár ho Unanimidade Ba Saudozu Francisco Guterres Lú-Olo

todayJune 24, 2026 38

Background
share close

PN fó votu pezár ba Saudozu Francisco Guterres "Lú-Olo", Kuarta, 24 Juñu 2026.

Díli, 24 Juñu 2026 (RAFA.TL)- Bankada Parlamentar CNRT, PD, FRETILIN, KHUNTO no PLP aprová votu pezár ho unanimidade ba  saudozu Francisco Guterres “Lú-Olo” ho votu a-favór 63 kontra zero no abstensaun zero.

“Rezultadu votasaun a-favór 63, kontra zero  no abstensaun zero ne’ebé por unanimidade,” Prezidente Parlamentu Nasionál Maria Fernanda Lay  anúnsiu rezultadu votu pezár iha plenária PN, Kuarta (24/06/2026).

Prezidente Partidu FRETILIN no Eis Prezidente Repúblika Saudozu Francisco Guterres “Lú-Olo” hakotu iis ho tinan 71, iha Ospitál Prince Court iha Kuala Lumpur, Malázia iha tuku 22:00 oras Malázia, Domingu 21 fulan-Juñu  tinan 2026.

Saudozu Francisco Guterres “Lú Olo”  moris iha Ossu , iha Munisípiu Vikeke, iha loron 7 fulan-setembru tinan 1954, nia dedika parte boot hosi nia moris ba luta libertasaun nasionál, kaer responsabilidade oin-oin iha rezisténsia durante okupasaun indonézia.

Saudozu Francisco Guterres “Lú-Olo”  husik hela nia kaben Dona Cidália Lopes Nobre Mouzinho Guterres ho oan na’in-haat, mane na’in-tolu no feto ida, mak hanesan Francisco Cidalino Nobre, Nobrezino Guterres, Samd no Dália Luliana Nobre Guterres.

Tuir ajenda ne’ebé iha katak mate-isin saudozu Francisco Guterres Lú Olo sei vizita solene ba Uma-Fukun Parlamentu Nasionál, Sesta (26/06/2026).

 Jornalista : Zita Menezes/Editór: Vito Salvadór

 

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!