PM Xanana Sei Envolve Polísia Portugal ho Austrália iha Prosesu Foun Rekrutamentu PNTL

Primeiru-Ministru, Kay Rala Xanana Gusmão. Imajen/Rafa.tl

DILI, RAFA.tl– Primeiru-Ministru (PM), Kay Rala Xanana Gusmão, kompromete envolve Polísia husi Portugal no Austrália iha Komisaun Monitorizasaun no Fiskalizasaun hodi halo prosesu foun rekrutamentu Polísia Nasionál Timor-Leste (PNTL).

Notísia Relevante: Governu Suspende Temporáriu no Halo Revizaun Ba Konkursu Públiku iha Admisaun Ba Kursu Formasaun Ajente PNTL

Xanana Gusmão hatete, Governu Timor-Leste liu husi Ministéiru Interiór sei servisu hamutuk ho Polísia Nasionál Timor-Leste (PNTL), Polísia husi Portugal no Austrália hodi kria komisaun ida, nune’e kurize naksalak sira no hasai desizaun foun fali ba rekrutamentu kadetes foun PNTL.

Nia hatutan, kona-bá problema rekrutamentu ba Polísia sai problema boot, ne’ebé husi manifestante sira, horseik, mós sira ba Palásiu Governu, ho buat sira ne’e hotu mak iha reuniaun Konsellu Ministru, hasai rezolusaun ida hodi suspende tiha rekrutamentu kadetes PNTL foun ne’e.

“Polísia saláriu ki’ik, Xanana korruptor, ne’ebé ami simu hotu buat sira ne’e hotu ho Ministériu Interiór, ami haré horsehik rezolve hasai rezolusaun ida atu suspende tiha, tanba iha problema duni,” PM Xanana Gusmão  hateten iha Palásiu Prezidensiál, Kinta (12/02/2026).

Xefe Governu ne’e haktuir, suspensaun ba kadetes PNTL foun ne’e hodi kria fali komisaun ida husi Polísia Timor-Leste hamutuk ho Polísia husi Nasaun Portugal no Austrália hodi haré didi’ak naksala sira atu hadi’a hodi halo desizaun foun fali hodi simu Polísia foun.

Primeiru-Ministru Kay Rala Xanana Gusmão subliña, problema sira ne’e, hotu mak buka atu labele akontese tan, tanba ne’e mak  iha reforma ne’e, lae kazuál halo saida, lae, sira bolu atu servisu, servisu saida, laiha, arbiru de’it, tanba ne’e mak Governu ida ne’e tama iha fulan-Jullu 2023 atu kuriji saida mak mosu tiha ona, atu kuriji hodi hadi’a  nafatin.

Reportajen ekipa Rafa.tl