Ouvir RAFA Ritmo, Voz e Coração de Timor
Díli, 29 Outubru 2026 (RAFA)- Primeiru-Ministru, Kay Rala Xanana Gusmão, husu ba joven sira, liu-liu ba membru organizasaun grupu arte-marsiál no arte-rituál sira kria paz no estabilidade durante loron finadu.
Xefe Governu hato’o mensajen dame ne´e hodi husu ba foinsa´e sira atu sosa ai-funan, ba reza, hodi husu ba sira ne’ebé mate ona, tulun dezenvolve, halo servisu, la’ós hanoin de’it mak an rasik.
“La’ós de’it loron finadu, kualkér loron, ba arte-marsiál sira, labele, tanba ne’e mak iha ona lei agora Komisaun Reguladór Arte-Marsiál (KRAM) sei diskute ho sira nafatin tanba problema ida ne’e, la’ós arte, arte oho malu, arte estraga malu, la’ós arte-marsial. Ama ita na’in-rua primu, prima, ha’u pertense ida, ama pertense ida, ita rua diskute, ha’u mak barak liu, ama nia uma ami sunu, ne’e saida mak ne’e,” hatete Primeiru-Ministru, Kay Rala Xanana Gusmão ba jornalista sira hafoin enkontru semanál ho Prezidente Repúblika, iha Palásiu Prezidensiál, Kinta ne’e.
Tanba ne’e mak buat ida dehan hakotu arte-marsiál ne’e la’ós tanba lakohi haree arte, la’ós nune’e, hakarak, nia ba kompete to’ok hotu basa liman nune’e.
Xanana esplika, tanba taekwondo bainhira liu husi fatin ida sira husu hela dehan agora halo hela fatin ida atu sira treinu. Maibé, balun dehan sira boot ona, sira ba partisipa eventu, maibé sira presiza ida ne’e, ajuda, mais atu sai arte, sira ba kompete iha li’ur fila mai kontente tanba sira foti rai Timor-Leste.
Xefe Governu hatutan, agora ida ne’ebé oho malu ne’e, joven sira kompremente an ba, tanba sira organiza ne’e simu osan. Ne’ebé joven sira kuidadu ba, sai tiha husi ne’eba ba, hanoin di´ak ba Rai ne´e, unidade no Dame importante liu buat hotu.
Jornalista: Cristina Ximenes
Written by: RafaFM
PM Xanana Husu Joven Sira Kria Paz no Estabilidade iha Finadu
todayNovember 20, 2026 11 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt