PM Xanana Husu Emprezaria Sira Promove Turizmu Komunitaria iha Munsípiu

workshop Preparasaun Konferénsia Nasionál ba  Emprezária Timoroan sira iha Sentru Konvensaun Díli (CCD), Sábadu 19 Setembru 2026.

Díli, 19 Setembru 2026 (RAFA)- Primeiru-Ministru (PM), Kay Rala Xanana Gusmão, husu emprezaria sira atu haré potensiál sira iha Díli no liu-liu munisípiu sira hodi promove turizmu komunitaria liuliu oinsá atu faan produtu lokál sira.

PM Xanana Gusmão husu  empresária no empredadora sira atu buka hatene potensiál iha Munsipíu Díli, no munisipíu sira seluk, saida mak bele dezenvolve hodi bele sai negosiu liuliu oinsá atu promové produtu originál Timor-Leste nian ba iha merkadu sira.

“Ita buka took buat saida mak ita bele  hanesan ha’u fó atensaun, solusaun mak ospitalidade ne’e fokus ba para atu kria turizmu komunitáriu, fatin istoriku barak, tasi-ibun kapas, saida mak ita bele halo,” Xanana Gusmão hatetne iha nia diskursu iha workshop Preparasaun Konferénsia Nasionál ba  Emprezária Timoroan sira iha Sentru Konvensaun Díli (CCD), Sábadu-ne’e.

Xefe Governu  adianta reuniaun ida-ne’e hanesan oportunidade atu loke hanoin para prepara aan ba iha futuru tanba feto mos bele no bele kontribui ba desenvolvimentu iha Timor-Leste.

Fatin hanesan Prezidente Asosiasaun Emprezárial Timor-Leste ( AEMTL), Hergui Luina Fernandes Alves, afirma reuniaun ida-ne’e inisiativa husi Primeiru-Ministru atu bele halo preparasaun ida feto imprendadores sira husi Munisipíu hotu-hotu ho objetivu atu prepara tanba iha loron 22-23 fulan Outubru ita sei halo komferensia Nasional ida ba feto emprezariu no emprendedorizmu sira hotu

“Agora ita iha grupu kiik provolta  60 husi Munisípiu sira hotu kedan para atu bele servisu preparasaun ba konferénsia ne’e. Konferénsia ne’e ita sei iha emprezaria 350 no empreendedoria sira husi munisípiu hotu bele aprezenta fila-fali rezultadu sira ne’ebé mak ita konsegé prodús,” Hergui Luina Fernandes Alves informa.

Emprezaria ne’e hatutan, durante ne’e emprezária barak iha Munisípiu Díli no Munisípiu sira mak hala’o vida negosiu liuhosi produtu oin-oin no pasu ida-ne’e hanesan oportunidade ida atu promové liután feto Emprezária sira nia kapasidade iha mundu negosiu.

Jornalista : Zita Menezes