Ouvir RAFA Ritmo, Voz e Coração de Timor
Díli, 06 Outubru 2026 (RAFA)- Xefe Bankada PLP no membru komisaun C, ne´ebé trata asuntu Finansa Publika, Deputada Maria Angelina Sarmento, preokupa proposta Orsamentu Jerál Estadu (OJE) 2027 ne’ebé Governu aprova ho montante billaun 2.5 USD.
Deputada Maria Angelina Sarmento, haré katak fundu petroliferu rezerva ho billaun 18 USD ne’e sei hotu iha tinan badak nia laran.
“Osan ne’ebé mak ita dada ritmu billaun 2.5 USD sei la augenta tán to’o tinan-10 maibé posibilidade to’o de’it tinan-ualu hotu ona,” Deputada Maria Angelina Sarmento haktuir ba jornalista sira iha Parlamentu Nasionál, Tersa-ne’e.
Nia afirma to’o agora daudaun seidauk iha reseita alternativa ne’ebé bele subtsitui fundu petroliferu hodi bele sustenta mákina Estadu nian. Tanba ne’e nia sujere ba Governu reinverte osan ida-ne’e ba iha setór produtivu ne’ebé mak durante tinan naruk nia laran Governu ladún tau atensaun hodi nafatin foku ba iha setór petroleum nian.
Iha loron 1 fulan-Outubru ne’e, Governu submete ona proposta OJE 2027 ho montante billaun 2.5 USD ba Parlamentu Nasionál hodi bele hahú halo diskusaun.
Proposta OJE tinan fiskal 2027 nian ne’e fó prioridade ba transformasaun ekonómiku, prestasaun servisu públiku no jestaun fiskál sustentável.
Jornalista : Zita Menezes
Written by: RafaFM
PLP Preokupa OJE 2027 ho Montante Billaun 2.5 USD
todayNovember 20, 2026 14 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt