Ouvir RAFA Ritmo, Voz e Coração de Timor
Díli, 10 Novembru 2026 (RAFA)—Membru Parlamentu Nasionál husi Bankada PLP, Hermenegilda da Costa Laurentina, konsidera planu orsamentál iha OJE 2027 ho montante Billaun 2,57 USD ne’ebé Governu aprezenta la hatudu balansu adekuadu entre investimentu infraestrutura no dezenvolvimentu setór produtivu. Governu kontinua aloka osan boot ba projetu infraestrutura sira.
“Governu haluha tiha fó atensaun ba setór alternativu sira ne’ebé importante ba diversifikasaun ekonómia iha setór produtivu sira hanesan, setór agrikultura no setór turizmu. No fim depois tiha tinan 24 ukun-an ita kontinua depende nafatin importasaun foos, importasaun na’an no sasán báziku husi rai-li’ur,” hatete Deputada, Hermenegilda da Costa Laurentina iha nia intervensaun iha diskusaun Orsamentu Jerál Estadu 2027 iha faze jenerealidade iha Parlamentu Nasionál, Tersa-ne’e.
PLP mós kestiona Governu gastu ba bens e servisu ne’ebé atinje montante US$522,755,275.88 husi Orsamentu Jerál Estadu (OJE), hatudu katak Governu kontinua aloka no gasta rekursu públiku iha despeza operasionál ne’ebé boot, maibé la hatudu investimentu produtivu la kria ekonómia ida ne’ebé sustentavel.
PLP mós la menta Governu gasta osan povu nian barak liu iha atividade serimoniál hanesan festa, viajen lokál , viagem estranjeiru, aluguer uma privadu ba instituisaun públika, aluga salaun privadu ba instituisaun estadu, embora edifisiu públiku husik abandona la halo manutensaun, prátika sira ne’e maka bolu naran despeza.
Tuir Bankada PLP, diversifikasaun ekonomia, dezenvolvimentu setór produtivu, hanesan setór agrikultura, setór turizmu sei hametin reseitas Produtu Internu Bruto (PIB) Timor-Leste nian, tamba nee tuir PLP katak Fundo Petrolíferu tenke sai Fundu Soberanu ba jerasaun agora no jerasaun futuru tanba nee Governu uja fundu ida nee ho planeamentu ne’ebé di’ak atu nunee’ bele iha sustentabilidade.
Membru Bankada PLP ne’e hatutan, iha IX Governu nia mandatu, gasta ona osan hosi fundu minarai montante signifikativu, ho total purvolta Billaun 11 USD hanesan hatudu iha tinan hirak tuirmai: 2023 Billaun 2,16 USD; 2024 Billaun 1,9 USD; 2025: Billaun 2,617 USD; 2026: Billaun 2,291 USD; no 2027 ho montante Billaun 2.568 USD.
Fó hanoin fali katak montante konsolidadu hosi proposta Orsamentu Jerál Estadu (OJE) Timor-Leste nian ba tinan 2027 hamutuk US$2.568.500.000 ka US$2,57 billaun.
OJE 2027 ne’e nia alokasaun prinsipal ba Administrasaun Sentrál US$2,487,400,000, Seguransa Sosiál US$186,550,000, Rejiaun Administrativa Espesiál Oe-Kusi Ambenu (RAEOA): US$56,100,000.
Jornalista: Zita Menezes
Written by: RafaFM
PLP Preokupa Governu La Prioritiza Setór Agrikultura no Turizmu iha OJE 2027
todayNovember 20, 2026 11 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt