PCIC Simu Ona Delegasaun-Sia Husi Ministériu Publiku Ba Kazu Scam Call Centre

Polísia detein sidadaun estranjeiru sira deskonfia envolve atividade scam call centre. Imajen/dok.

Díli, 28 Setembru  2026 (RAFA)– Polísia Sientífiku Investigasaun Kriminál (PCIC, sigla portugés)  simu ona delegasaun kompetensia husi Ministériu Públiku  kona-bá kazu scam call centre hamutuk sia   atu kontinua bá prosesu investigasaun.

Portavós PCIC, Mário Tavares hatete bá Jornalista sira iha Edifisiu PCIC, Segunda-ne’e, katak kazu scam call centre ne’e aprezenta difikuldade no konsideravel, tenke halo ezaminasaun bá prova sira ne’ebé maka iha  espasu dijitál.

Nia esplika  iha fula-Agostu 2025, scamming  komesa fali íha fulan -Juñu no fulan Jullu to’o  Agostu,   tinan  ne’e, mosu fali iha Díli laran,mezmu  nune’e arguidu sira ne’ebé iha Prizaun Preventiva, iha fulan -Agostu nia laran,  PCIC simu ona delegasaun.

“Molok ferias judisiál remata komesa dadaun simu  prosesu delegasaun kompeténsia  hodi kontinua halo investigasaun bá kazu sira ne’ebé akontese  iha fulan-Juñu  ho fulan-Jullu nia laran, ami rejista  totál iha ne’e,” Mário Tavares hateten.

Portavóz PCIC ne´e hatutan, prazu prosesual bá investigasaun la’o durante loron-90, maibé  prazu hotu-hotu investigasaun seidauk lonklui, bele kontinua.

Nia esplika,  delegasaun kompetensia  ne’ebé Minitériu públiku fó bá PCIC, prioridade bá arguidu sira ne’ebé, dadaun ne’e iha hela médida koasaun Preventiva.

Scam Call Centre ne’ebé akontese iha Timor-Leste,  arguidu sira ne’e bolu Costumer Service bá  iha Call Centre, tanba ne’e sei iha faze  investigasaun no  PCIC seidauk indentifika  loloos autor prinsipál.

Tuir nia katak, durante  operasaun bá kazu Scam Call Centre , PCIC seidauk indentifika Timor-oan ida envolve iha atividade jogu Scam Call Centre  tanba suspeitu hotu sidadaun estranjeiru.

Jornalista: Marcelino Tomae