Ouvir RAFA Ritmo, Voz e Coração de Timor
Díli, 27 Outubru 2026 (RAFA)—Polísia Sientífiku Investigasaun Kriminál (PCIC-sigla portugés) dadaun ne’e indentifika hela autór sira husi ajénsia balu ne’ebé alegadamente prátika krime trafiku umanu iha prosesu rekrutamentu Timor-oan sira atu bá servisu iha rai-li’ur.
Diretór Nasionál PCIC, Vicente Fernandes e Brito hatete bá jornalista sira hafoin partisipa iha konferensia Ministru Justisa CPLP ba dala-XIX iha Plam Spring, Fatuhada, Tersa-ne´e, hatete, kona-bá vitíma na’in-13 ne’ebé iha Bali haruka fila mai Timor-Leste, PCIC rejista ona no iha prosesu invetigasaun mós la´o dadaun ona.
“Ita indentifika autór ne’e provizoriamente na’in ida ka rua bá ajensia ne’ebé maka ko-autória,” hatete Vicente Fernandes e Brito.
Diretór PCIC hatutan iha faze intervesaun ba futuru, PCIC sei halo indentifikasaun bá ajensia hotu-hotu, liu-liu kona-bá prosesu rekrtutamentu, atu nune’e la bele foku de’it iha investigasaun maibé foku mós prevensaun.
Nia afirma, rekrutamentu ne’e, ajénsia sira tenke iha lisensa rekrutamentu, tenke iha lisensa komersiál no mós tenke iha kooperasaun ho ajénsia sira husi rai- li’ur ne’ebé prezia forsa traballu husi Timor Ninian.
Fo hanoin fali katak, iha loron 20 fula-Outubru Foin lalais ne’e, Governu Timor-Leste liu-husi koordenasaun ho autoridade seguransa Polísia Sientífika Investigasaun Kriminál (PCIC) no Servisu Nasionál Intelijénsia Estratéjika (SNIE) fasilita vítima na’in-13 ba kazu burla ho indísiu tráfiku umanu lori fila mai Timor-Leste.
Jornalista: Marcelino Tomae
Written by: RafaFM
todayNovember 20, 2026 11 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt