Partidu Demokrátiku Hala’o Konferénsia Órgaun Autonoma Díli Ba Hametin Estrutura no Haforsa Lideransa

Díli, 05 Setembru 2026 (RAFA)- Partidu Demokrátiku (PD), Sábadu-ne’e, iha Salaun CNE-Díli, realiza konferénsia órgaun autonoma Munisipál Díli hodi hametin estrutura no haforsa lideransa Organizasaun Mulher Demokrátika (OMD), Organizasaun Juventude Demokrátiku (OJD) ho Movimentu Profesionais Demokrátiku (MPD).

Prezidente Partidu Demokrátiku, Mariano Assanami Sabino hatete, kongresista sira ne’ebé hamutuk  ne’e hanesna  orgullu ida tanba hatudu entuzismu no kompromisu ho hakarak atu ohin konferénsia ida la’o. Tanba ne’e reprezenta estrutura nasionál k apresia ba estrutura munisípiu, Komisaun Organizadora ne’ebé konsege halibur.

“Ohin, estrutura tolu mak iha ne’e, OJD, OMD ho MPD. Nu’udar Prezidente, atu hato’o de’it mensajen ne’ebé sai  orientasaun ka matadalan ba ita-nia konferénsia. Primeiru konferénsia atu hametin liután ita nia estrutura, hametin liután ita nia koordendasaun, hametin liután ita nia amizade, hametin liután, ita nia kompatriota, ita kompaneiru sira, hametin liután ita nia ekipa,” Mariano Assanami Sabino hateten.

Lideransa másimu PD ne’e hatutan konferénsia la’ós de’it atu kompetisaun, kompetisaun dalan ida atu halo selesaun, atu hili, ne’ebé di’ak liu ba OJD, OMD, MPD, di’ak liu ba partidu no di’ak ba Timor-Leste.

Nia subliña katak konferénsia labele atu hafahe, konferénsia ne’e atu unifika, kompetisaun hotu tiha, tenke konsolida kedas, atu sai fila fali forsa ida de’it.

Assanami hatete ohin imi ida-idak iha pakote ona, maibé imi tur hamutuk sei iha tempu imi haree katak, buka dalan hotu-hotu atu pakote ne’ebé di’ak no reprezenta imi hotu. Tanba, pakote labele forsa husi Dom Aleixo, Nain Feto, Kristu Reis, Vera Cruz ka husi Atauro, pakote ne’e reprezenta Munisípiu Dili. Maibé, tama estrutura sei hakaas an servisu atu hasoru eleisaun asembleia munisipál, maibé liu-liu mós atu hasoru eleisaun jerál, eleisaun prezidensiál, Partidu Demokrátiku tenke nia baze ne’e iha Dili, Dili tenke forte liu.

Nia esplika, jerasaun foun ne’ebé sei hodi ho ninia jornada foun, ninia hanoin foun, ninia papél foun ba konstrusaun estadu no nasaun.

Tanba ne’e, OJD nia responsabilidade ba ida ne’e, OMD tenke mantein no prinsipiu lutadór sira nian, tenke sai fatin ne’ebé fó mahon, kuidadu ba jerasaun foun ba oin, maibé mós fó atmosfera polítika ida ne’ebé di’ak liu, no igual ba hotu-hotu.

Hanesan mós Movimentu Profesionis Demokrátiku, tenke hatuur programa sira ne’ebé di’ak liu inovadór no kreativu no tenke han malu ho erra dijitalizasaun ne’ebé iha.

Prezidente anteriór Dili, Augusto da Costa Soares hatete, hakarak hato’o de’it depois ami organiza konferénsia ezekutivu postu sira hotu, ohin ho grasa Nai Maromak nian, ami bele realiza tan konferénsia orgaun autonoma Munisípiu Dili nian.

Nia dehan, servisu ida ne’ebé la fasil, tanba ne’e hakruuk ba Komisáriu Organizadora mezmu difikuldade oi-oin ne’ebé ita hasoru, mais ohin ita bele konsege realiza konferénsia ida ne’e.

Tanba ne’e, esperansa katak, hotu-hotu orsida bele kontribui nune’e konferénsia ne’e hanesan prinsipiu ne’ebé fofoun ko’alia, hakarak realiza konferénsia ida ne’ebé ho kualidade no rezultadu konferénsia ida ne’ebé mai mós hotu-hotu sei simu. No la kleur tan estrutura orgaun autonoma ninia mandatu sei remata, la kleur tan mós lidera Dili ne’e mós mandatu sei remata. Maibé, momentu ida ne’e hakarak aproveita obrigadu, agradese ba estrutura orgaun autonoma Munisípiu Dili ho estrutura postu, suku, aldeia sira hotu ba servisu hamutuk durante tempu naruk iha Dili.

“Ami espera katak estrutura ne’ebé aban bainrua mosu fali mai iha Dili kontinua servisu hamutuk, ho ami sira ne’ebé aban bainrua laiha ona munisípiu karik, orgaun autonoma ka ezekutivu depois ita bele la’o nafatin ba oin, tanba ita presiza servisu ne’ebé koletivu. Ami nia dejezu konferénsia ida ne’e bele susesu,” hatete Augusto da Costa Soares.

Sekretáriu Jerál Juventude Demokrátiku, Feliciano Quintas Do Ceu hatete, fala uluk agradese ba Nai Maromak tanba ho ninia espíritu no ninia forsa, matenek, akompañamentu no protesaun mai iha fatin ida ne’e atu realiza konferénsia ba orgaun  OJD, MPD no OMD.

Nu’udar Sekretáriu Jerál Juventude Demokrátiku, sente orgullu tebe-tebes, tanba tinan 24 liu ba dere militante no simpazitante sira ninia odamatan ho ema ne’ebé hakarak tama mai Partidu Demokrátiku dere sira nia odamatan difil la halimar. Maibé ohin loron iha Salaun CNE haree ema hotu-hotu entuzismu, interese no ema hotu-hotu mai iha ne’e ho voluntáriu tanba hakarak PD ne’ebé iha domin, tane aas valores ukun rasik an, tane as dezenvolvimentu ba rai ida ne’e.

“Ita hotu-hotu hatene katak, ita nia kompriende Fernando La Sama ninia simplesidade, lealidade, votande ba rai ida ne’e la mihis, ohin loron ida ne’e mak Partidu Demokrátiku no lideransa ne’ebé Prezidente PD Mariano Assanami, Kalohan kontinua nafatin habelar doutrina ida ne’e ohin loron PD eziste nafatin ukun hamutuk ho partidu CNRT,” hatete Feliciano Quintas Do Ceu.

Nia hatutan Parabeniza ba komisaun organizadora ne’ebé hola inisitiva esforsu an tomak ohin loron ita bele konsege realiza konferénsia orgaun autonomu ne’e ho di’ak. Ita fiar katak to’o lokraik ita bele hili lideransa ida ne’ebé iha integridade, responsabilidade, kualidade núfim bele lidera orgaun autonomu sira iha nivél munisípiu Dili, kontribui ba PD iha 2028 bele kompete, ita fiar bele manan iha 2028.

Prezidente Organizasaun Mulher Demokrátika, Elvina Sousa Carvalho hatete, prezensa ida ohin marka istória foun ida, primeiravez orgaun massa PD, OJD, MPD, OMD organiza kongresu Munisipál mesak no konjuntu. Tanba ne’e hakarak fó parabens ba orgaun massa, lideransa sira organiza massa OJD, OMD, MPD.

“Organizasaun Mulher Demokrátika (OMD) hanesan organizasaun liras Partidu Demokrátiku ne’ebé hamutuk sai hanesan fatin ida atu halibur feto maluk sira, hodi servisu ba haboot PD. Prezensa feto iha PD, la’ós sai hanesan asesores, mais prezensa feto iha PD hanesan kaptalizadór no mós meius ida atu hariku demokrásia iha ita nia partidu laran,” hatete Elvina Sousa Carvalho.

Tanba ne’e, demokrásia eziste presiza mós partisipasaun husi feto, tanba ne’e PD sensivel tebes ba promosaun igualidade jéneru iha Timor-Leste tanba ne’e haboot no harii organizasaun feto demokrátiku.

Hanesan fatin ida halibur ema hotu atu bele kontribui máximu ba dezenvolvimentu nasionál. Kontinua luta eroina sira nian ne’ebé ho aten brani, partisipa ba iha funu, agora iha erra ukun aan partisipa hodi haboot no kontribui ba dezenvolvimentu nasionál liu husi PD ne’e.

Nia akresenta, kongresu ka konferénsia no saida de’it mak ita halo nu’udar eventu demokrátiku ida atu hili lideransa sira, demokratikamente la’ós hatudu de’it.

Tanba ne’e mak uza oportunidade ida ne’e atu hili ideransa OJD ka OMD, MPD atu sira lidera iha tinan lima ka periódu ida nia laran. Eventu demokrátiku ida ohin labele sai hanesan eventu ida atu atu lakon fali kolega ka atu hirus malu, maibé tenke sai eventu demokrátiku duni.

Maibé, sese de’it mak lakon, submete ida manan, maibé ida ne’ebé manan tenke hakuak sira ne’ebé lakon, la’ós bainhira manan tiha depois eskluita sira seluk, no la hakuak sira ne’ebé lakon.

Tanba ne’e, nia fó korazen ba ema hotu atu kompete manan ka lakon ne’e demokrásia, maibé OMD tenke hatudu profesionalizmu, sensibilidade no sentidu responsabilidade. Tanba ne’e hatete de’it boa sorti ba sese de’it mak orsida kompete, sese de’it mak manan ne’e mak sai líder.

Prezidente Movimentu Profesionais Demokrátiku, Joaozinho Da Conceição hatete, ohin halibur malu iha konferénsia munisipál ida ne’e ho objetivu importante mak atu hili estrutura foun iha nivél munisípiu.

“Selesaun ida ne’ebé la’o tenke ho espíritu demokrátiku, transparensia, unidade, respeita malu. Ita hili lideransa la’ós atu hetan kargu de’it, maibé atu serbí no asume responsabilidade. Orgaun massa tolu espesifikamente Movimentu Profesionais Demokrátiku, papél MPD atu hamutuk akomula, konsolida, ema profesionais sira hotu-hotu hodi kontribui ba dezenvolvimentu polítika no sosiál,” hatete Joaozinho Da Conceição.

Tanba ne’e estrutura foun ne’ebé orsida eleitu tenke hametin organizasaun MPD. Hasa’e kapasidade membru iha nivél munisípiu. Rona nesésidade membru MPD sira ne’ebé koloka iha nivél postu, to’o iha nivél munisípiu.

Nia husu ba kongresista sira liu-liu MPD depois eleisaun ida ne’e tenkeser kontinua konsolida malu nafatin, hametin, laiha vensedór, laiha ida bolu derota. Mai hamutuk iha liras partidu liu-liu MPD hametin  integridade, profesionalizmu, disiplina ho responsabilidade.

Jornalista: Cristina Ximenes/Nelson Dias