Noticias

Orsamentu MJDAC Hetan Redusaun To’o Porsentu 20

todayNovember 9, 2026 13

Background
share close

Díli, 09 Novembru 2026 (RAFA) – Ministru Juventude, Desportu, Arte no Kultura (MJDAC), Nélio Isaac Sarmento, informa katak  alokasaun orsamentu ba MJDAC iha proposta Orsamentu Jerál  Estadu (OJE) 2027 ho total montante millaun 10 USD. Ne’e hatudu katak orsamentu MJDAC nian hetan redusaun pursentu 20 kompara ho tinan 2026.

Iha Orsamentu Jerál Estadu (OJE) tinan 2026 nian, MJDAC hetan alokasaun ho total montante US$11.308,437. Ho nune’e, Ministru Nelio Isaac Sarmento, considera iha redusaun kuaze porsentu 20 ka porsentu 23.

“Ami nia orsamentu total  millaun 10-resin USD. Iha redusaun kuaze  porsentu 20 to’o porsnetu 23 kompara ho tinan 2026. Programa sira la muda, maibé orsamentu mak iha mudansa. La’ós aumenta, maibé tun,” Ministru Nelio Isaac Sarmento hateten hodi responde jornalista sira iha uma fukun Parlamentu Nasional, Segunda-ne’e.

Maski hetan redusaun  iha orsamentu, MJDAC kontinua hala’o programa iha área juventude, desportu, arte no kultura, ho objetivu atu dezenvolve kapasidade joven sira, haforsa atividade desportiva, promove arte no kultura, no preserva patrimóniu kulturál iha Timor-Leste.

Bazeia ba dadus OJE 2026, MJDAC hetan alokasaun orsamentu hamutuk US$11.308.437, ne’ebé fahe ba rubrika Saláriu no Vensimentu  US$2.360.216, Bens no Servisu US$1.537.535, no Transferénsia Públika US$6.187.995.

Jornalista: Marito da Costa

 

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!