Ouvir RAFA Ritmo, Voz e Coração de Timor
RAFA halo entrevista ho Prezidente ACT, Daniel Leong iha ámbitu festivál kafé 2026 iha Gleno, Ermera, 29-30 Outubru 2026.
Gleno, 30 Outubru 2026 (RAFA) – Asosiasaun Kafé Timor (ACT, sigla portugés) hamutuk ho Kafé Orgániku e Natural (KTON) organiza fetivál Kafé, durante loron rua; husi Kinta-Sesta 29-30 Outubru, tinan ne’e, iha areadór fabrika KTON iha Gleno, Munisípiu Ermera.
Prezidente ACT, Daniel Leong konsidera kualidade kafé Timor di’ak liu bazeia ba rezultadu teste no perkiza ne’ebé ACT halo kada tinan. Tanba haré husi kualidade konsisténsia iha Timor-Leste kafé sabor di’ak ho orgániku no laiha kímiku.

“Kualidade kafé iha Timor kontinua hadia kada tinan, hetan rezultadu di’ak,” Daniel Leong haktuir hodi responde RAFA iha ámbitu abertura Festival Kafé Timor 2026.
Daniel Leong esplika ACT hanesan setór privadu sempre servisu hamutuk ho komunidade to’ós na’in no estudante sira, halo peskiza no kontinua halo evaluasaun kona-bá kualidade. Katak la’ós hetan rezultadu ida de’it no hetan tonelada hira. Maibé, kontinua aprende kona-bá oinsá kualidade kafé Timor bele ba ASEAN tomak.
“Kualidade husi konsistensia iha Timor nia kafé bai-bain kualidade di’ak, orgániku no laiha kímiku. Maibé kuantidade dala ruma sa’e no dala ruma tun, depende ba ambiente, depende ba presu, depende ba fatór seluk,” Prezidente ACT subliña.
Nia mós apela ba agrikultór ka to’ós na’in kafé no inklui konkorente sira ne’ebé partisipa ona iha festival kafé ne’e lori rezultadu di’ak iha futuru. Tanba ne’e parabéns ba to’ós na’in hotu-hotu, liu husi festival ne’e sei fó oportunidade ba futuru.
ACT deside realiza atividade Festivál Kafé Timor iha Gleno hodi selebra aniversáriu ACT ba dala-10 iha tinan ne’e, envolve konkorente sira hamutuk na’in-54, kompostu husi grupu kreatividade no individu ho kategoria rua hanesan Timor -Leste National Aero Press Competition 2026 no Quality Coffe Competition.
Sita husi timorleste.tl/tet/stories/coffee-story, katak Timor-Leste prodús kafé orgániku ne’ebé aas liu husi mundu, la’ós husi estratéjia marketing, maibé husi nesesidade.
Tuir istória kafé to’o iha Timor iha inísiu sékulu 19, kuda husi administrasaun Portugés. To’o tinan 1800 nia klaran, foho leten Ermera sai ida husi rejiaun kafé produtivu liu iha Sudeste Áziatiku.
Hybrido de Timor, kruzamentu naturál entre kafé arábika no robusta, identifika uluk iha plantasaun Timor nian iha tinan 1920.
Jornalista: David Gonçalves
Written by: RafaFM
Kafé Timor Orgániku no La Kontamina ho Kímiku Orgullu Ida
todayNovember 20, 2026 11 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt