play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Noticias

Opozisaun Kestiona Kalendáriu Fixu Dada Kadoras Greater Sunrise Mai Timor-Leste

todayOctober 5, 2026 5

Background
share close

Imajen/Dok.MPRM

Díli 5 Outubru 2026, (RAFA)-  Bankada opozisaun Parlamentu Nasionál;  FRETILIN ho PLP kestiona kalendáriu fixu husi IX Governu kona-bá dada kadoras greater sunrise mai Timor-Leste.

Xefe Bankada Partidu Libertasaun Popular (PLP) Deputada Maria Angelina Sarmento liu husi deklarasaun politíka Bankada PLP nian, Segunda-ne’e, lavante PLP nia  preokupasaun ho kalendáriu fixu husi IX Governu  hodi dada kadoras greater sunrise mai Timor-Leste.

Tuir deklarasaun  Ministru Petroleu  no Rekursu Minarais (MPRM), Francisco da Costa Monteiro, katak  prosesu greater sunrise to’o tinan 2034-2035 mak foin bele hakat ba faze produsaun.

Nia afirma promesa Governu nian ne’ebé antes ne’e dehan greater sunrise sei halo produsaun iha tinan 2025 ne’e falla totál no agora muda ba tinan 2032 mós falla tán.

“Timor-Leste iha kompromisu aas ho desizaun politíka determinadu katak kadoras tenke mai duni Timor-Leste, maibé husi loron ba loron kalendáriu muda nafatin, laiha esperansa atu hetan resposta iha tempu badak,” Deputada Maria Angelina Sarmento kestiona.

Sorin seluk membru Bankada FRETILIN Antoninho Doutél Sarmento liu husi nia intervensaun iha plenária PN sekunda mós deklarasaun politíka Bankada PLP katak  to’o agora daudaun Governu laiha   kalendáriu ne’ebé fixu  hodi bele dada kadoras greater sunrise mai Timor-Leste.

“Sé ita la serteza oinsá mak atu dada greater sunrise ne’e mai, tanba ne’e mak sekunda para oinsá mak Governu tenke seriu mai  ho kalendáriu ne’ebé mak fixa, kalendáriu ne’ebé mak klaru para fó esperansa ba nasaun no povu katak serteza mina ne’e sei mai iha loron ida hanesan ne’e,” Deputadu Antoninho Doutel Sarmento hateten.

Iha fatin hanesan membru Bankada CNRT Natalino dos Santos hatán ba deklarasaun politíka opozisaun sira-nian ne’e  afirma, IX Governu ne’ebe ukun husi Partidu CNR ho PD  iha seriédade tomak atu dada kadoras greater sunrise mai Timor-Leste.

“CNRT ho PD la’ós hanoin iluzaun de’it, komitmentu, prinsipiu fundamentais hakarak ka lakohi kadoras tenke mai, sedu ka tarde tenke mai,” Deputadu Natalino dos Santos aifrma.

Jornalista: Zita Menezes

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!