Ouvir RAFA Ritmo, Voz e Coração de Timor
Prezidente Repúblika, José Ramos-Horta, partisipa iha kalan omenajen no halot restus mortais Saudozu Sebastião Gomes, iha semitériu Santa Kruz, Díli, Kuarta 28 Outubru 2026.
Díli, 29 Outubru 2026 (RAFA)- Prezidente Repúblika, José Ramos-Horta, informa katak, líder rejionál husi nasaun lima hanesan Primeiru-Ministru Papua-Nova Giné, Fiji no Vanuatu, sei vizita Timor-Leste entre loron 24 to’o loron 27 fulan-Novembru tinan ne´e.
Prezidente Repúblika, José Ramos-Horta hato’o kestaun ne´e hafoin partisipa serimónia kalan omenajen no haloot restu mortais Saudozu Sebastião Gomes, iha Semitériu Santa Kruz, Díli, Kuarta-ne’e, hodi dehan vizita líder internasionál sira ne’e hatudu Timor-Leste nia papél ne’ebé aumenta iha arena rejionál no internasionál, liuliu depois sai membru ASEAN.
“Tinan ida ne’e besik atu remata ne’e, líder oi-oin mai iha Timor-Leste,” hateten Prezidente Repúblika, José Ramos-Horta.
Xefe Estadu mós destaka, Timor-Leste agora partisipa ativamente iha ASEAN no ekonomia nasaun nian kontinua la’o di’ak, maski nasaun seluk balu enfrenta krize ne’ebé boot liu.
Ramos-Horta esplika, vizita grupu boot husi premiadu Nobel sira iha área siénsia iha fulan-Agostu, sai oportunidade importante ba Timor-Leste atu simu figura internasionál sira.
Prezidente Repúblika iha esperansa katak relasaun ho nasaun sira seluk sei kontinua hametin kooperasaun rejionál, dezenvolvimentu ekonómiku no pozisaun Timor-Leste iha komunidade internasionál.
Jornalista: Cristina Ximenes/Mário Fili
Written by: RafaFM
Líder Rejionál husi Nasaun Lima Vizita Timor-Leste Novembru
todayNovember 20, 2026 11 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt