Ouvir RAFA Ritmo, Voz e Coração de Timor
Vise-Primeiru-Ministru no Ministru Defeza Austrália, Richard Marles hala'o vizita traballu mai Timor-Leste, Kinta 22 Outubru 2026.
Díli, 22 Outubru 2026 (RAFA)- Vise-Primeiru-Ministru no Ministru Defeza Austrália, Richard Marles, hateten prosesu negosiasaun ba projetu Greater Sunrise tama ona ba faze krusiál, akordu tékniku sira besik kompletu ona.
“Ami servisu besik tebes ho Timor-Leste kona-bá akordu tékniku sira ne’ebé iha relasaun ho Greater Sunrise. Akordu tékniku hirak-ne’e besik kompletu ona, no agora prosesu sira hahú ona atu asegura katak akordu hirak-ne’e bele finaliza no implementa,” Vise-Primeiru-Ministru no Ministru Defeza Austrália, Richard Marles inform aba jornalista sira iha Palásiu Prezidensiál, Kinta-ne´e.
Vise-Primeiru-Ministru Austrália ne’e esplika, agora, parseiru sira iha empreza joint venture mak tenke determina dalan komersiál ne’ebé apropriadu atu bele hala’o projetu ne’e.
“Ami hein atu haree rezultadu husi servisu ne’ebé sira sei halo,” Richard Marles konfirma.
Fó hanoin fali katak, iha loron 25 fulan-Setembru 2026, Ministru Petróleu Rekursu Minerál, Francisco da Costa Monteiro, akompaña reprezentante Governu Austrália bá Greater Sunrise, Katrina Cooper, atualiza progresu finalizasaun dokumentu tolu hanesan Petroleum Mining Code, Fiscal Regime no Production Sharing Contruct ba estudu viabilidade kampu Greater Sunrise ba Primeiru-Ministru, Kay Rala Xanana Gusmão.
Jornalista: Cristina Ximenes
Written by: RafaFM
Negosiasaun Greater Sunrise Tama Ona Ba Faze Krusiál
todayNovember 20, 2026 11 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt