MS Aprova Transferensia Pasiente Na’in-208 Ba Tratamentu iha Singapura ho Malázia

Diretora Nasionál Apoiu Servisu Hospitálar  Ministériu Saúde (MS), Santina Gomes.

Díli, 11  Agostu 2026 (RAFA) –Hahú iha inisiu tinan 2026 , husi fulan-Janeiru to’o fulan-Juñu, Ministra Saúde (MS), Élia A.A dos Reis Amaral,  aprova ona lista transferensia pasiente na’in-208 ba halo tratamentu iha ospitál sira iha Singapura ho Malázia.

Diretora Nasionál Apoiu Servisu Hospitálar  Ministériu Saúde (MS), Santina Gomes, Tersa-ne’e, konfirma katak lista pasiente ne’ebé enkamiña husi junta médiku  totál  na’in-350, no liu hosi vefirikasaun  Ministra Saúde, Élia A.A dos Reis Amaral, aprova  ona pasiente na’in-208. Nune’e, atualmente MS transfere ona pasiente 130 iha períodu primeiru tinan 2026 nian.

“350-ital pasiente ne’ebé enkamiña husi junta médiku mai, na’in-208 mak hetan ona aprovasaun. Maibé, ospital balun seidauk konfirma katak pasiente bainhira mak sai, dadaun ne’e 130 mak MS transfere  ona ba halo tratamentu iha ba iha Singapura ho Malázia,” Santina Gomes informa  ba jornalista  iha nia servisu fatin.

Husi númeru pasiente ne’ebé tranfere iha inisiu Janeiru to’o Juñu, tinan ne’e, iha pasiente na’in-30 mak kofirma rekupera ona. Nune’e, pasiente na’in-46 iha ona faze prosesu administrasaun atu bele fransfere ba konsulta iha rai-’li’ur iha tempu badak nia laran.

Pasiente sira ne’ebé halo transferensia ba ospitál sira  iha rai-li’ur, maioria moras moras kankru, moras fuan, sedulizia sel, no balun rolojia.

Santina Gomes  mós relata  bainhira sira hetan lista pasiente husi junta médiku hafoin sira trata dokumentu pasiente nian no hotu hafoin  submete ba iha Ministra Saúde hodi foti desizaun.

Jornalista: Cesarina de Carvalho