MPRM ho Empreza Fugro Singapore Mariene Asina Akordu Kona-bá Heavey Geotechical

Ministru Francisco da Costa Monteiro, asina akordu kona-bá Heavey Geotechincal ho empreza Fugro Singapore Mariene, atu fasilita Governu Timor-Leste dada pipeline no Greater Sunrise mai Timor-Leste, Kinta 24 Setembru 2026.

Díli, 24 Setembru 2026 (RAFA) –Ministru Peteroleu no  Rekursu Minerais, Francisco da Costa Monteiro, Kinta-ne’e, iha Díli, asina akordu kona-bá heavey geotechincal  ho empreza  Fugro Singapore Mariene, atu fasilita Governu Timor-Leste dada pipeline no Greater Sunrise mai Timor-Leste.

Ministru Francisco da Costa Monteiro hatete akordu kona-bá heavey geotechincal hanesan servisu  importante ida atu rekolla dadus tékniku no amostra rai iha  tasi okos, liuliu iha área ne’ebé sei sai rota ba pipeline Greater Sunrise mai Timor-Leste.

Nia hatutan kona-bá fasiilidade ró ahi sira ba Tasi Timor nian, hodi bele foti no amostra sira ba rota ne’ebé maka atu instala pipeline no mós greater sunrise.

Ministru Francisco Monteiro haktuir atividade ne’ebé maka empreza ne’e sei halo iha tipu perfurasaun, foti amostra sira, rai no mós iha rai sira iha tasi, durante iha rota husi kedas Greater Sunrise no Bayu Undang nian ba iha Geotechincal ne’ebé sei implemnmenta iha fulan oin.

“Ba iha Heavey Geotechical ne’e sei implementa iha inisiu tinan oin, maibe ida geo fisikal ne’e fulan oin, no periodu parte balu iha fulan neen, parte balu iha tinan ida,’’ Ministru Francico Monteiro hatete iha edifisu MPRM.

Governante ne’e haktuir, kompañia Fugro (liuliu Fugro Singapore Marine Pte Ltd) mak empreza multinasionál ida husi Olanda ne’ebé espesializa iha fornesimentu Geo-data (dadus jeográfiku no jeolójiku), levantamentu subsea (offshore survey), no karaterizasaun ba kbiit tasi nian.

Kompañia ne’e foin kofisializa ninia prezensa boot iha Timor-Leste liuhusi asinatura kontratu importante ho Governu Timor-Leste.

Iha fatin hanesan, Diretór Liña Negósiu Rejionál Karakterizasaun Sítia Maritima APAC, Safri Drahman informa katak Fugro no parseiru sira atinje akordu no asina kontratu daruak ba servisu levantamentu tékniku no survey iha futuru. Antes ne’e, kontratu dahuluk kona-ba survey geofíziku mós asina ona iha inísiu tinan 2026.

‘’Iha projetu ne’e, Fugro sei uza teknolojia foun ba perfurasaun iha leten tasi (seafloor drilling) atu hala’o servisu tékniku iha área ho profundidade bee liu 3.000 metru. Servisu sei kobre pipeline rua ne’ebé liga área Greater Sunrise ho Timor-Leste,’ Diretór Safri Drahman subliña.

Projetu sei hahú iha fulan Novembru 2026 ho survey geofíziku no kontinua ho survey geotékniku iha inísiu 2027. Prosesu akusisaun dadus iha kampu tomak sei lori besik tinan ida atu kompleta.

Fugro mós promete katak servisu sei hala’o ho profisional, seguru no responsavel, ho atensaun boot ba protesaun ambiente maritimu durante atividade hotu-hotu.

Jornalista : Remigia Locatelli