MOP Rejista Projetu Konstrusaun Sivíl 56 Abandona husi Empreza Lokál Sira

Ministru Obras Públika, Samuel Marçal.

Díli, 13 Agostu 2026 (RAFA)– Ministériu Obras Públika (MOP) rejista   projetu  konstrusaun sivíl hamutuk  56 mak empreza  lokál sira abandona.

Ministru Obras Públika, Samuel Marçal, Kinta-ne’e hateten Governu  sei integra sistema dijitalizasaun  bá  liña Ministériu  sira  hodi  adapta  tuir sistema dijitál atu atu garante labele fo tan projetu ba empreza sira ne´ebé abandona sira nia servisu.

Ministru Obras Públiku Samuel Marçal, hatete, projetu abandona sira tenke tau iha relatóriu tanba empreza sira lakohi esforsu atu kapasita aan sei foti medida tuir saida mak hakerek iha lei no aprovizonamentu.

“Ha’u ko’alia ona ho Primeiru-Ministru, no ha’u mós ko’alia ona bá imi  jornalista, katak, sira ne’ebé abandona ita sei haré sira nia problema ne’e saída. Empreza balun abandona projetu tanba iha problema sosial ruma, Governu  bele rezolve, maibé abandona tanba laiha vontade, Govenru liu-husi Ministériu Obras Públiku sei  kastela hotu,” Ministru Samuel Marçal hateten.

Nia  hatutan se smpreza  lokál ne’ebé abandona projetu, sei fó aviza kedas dirijente  kompaña sira naran no submete  ba parte  aproviszonamentu,  atu nune’e  sira labele tuir tan Projetu Governu, tantu Minitériu Obras Públiku no minitériu sira seluk.

Nia fundamenta, projetu sira ne’ebé abandona maioria iha konstrusaun,  tanba ne’e  Governu  sei integra sistema dijitalizasaun  bá  liña Ministériu  sira  hodi  adapta  tuir sistema dijitál atu la fó tan projetu ba empreza sira ne´ebé abandona projetu no hakarak tan projetu seluk husi ministériu sira seluk.

Tuir dokumentu ne’ebé  RAFA asesas husi  Ájensia Dezenvolvimentu Nasionál (ADN) hatudu katak totál projetu sira ne’ebé  abandona hamutuk 56 kompostu husi Munisípiu  Aileu iha projetu konstrusaun sivíl 10,  Ainaro (1), Baucau (9),  Bobonaru (3), Covalima (3), Díli (3),   Ermera (2) Lautem (3),  Liquiça   (2), Manatuto (2), Manufahi (4)  no  Oé-Cusse 11.

Totál projetu  ne’ebé ADN rejista 2.603, projetu ne’ebé sei faze konstrusaun 1.354, totál projetu ne’ebé husu ona pagamentu hamutuk 466, finaliza  pagamentu 407.

Enkuantu projetu ne’ebé sei iha faze dezeñu no estudu iha aproviszonamentu hamutuk  786.

Jornalista: Marcelino Tomae