Ouvir RAFA Ritmo, Voz e Coração de Timor
Díli 16 Novembru 2026 (RAFA)- Ministru Justisa, Sérgio de Jesus Fernanandes da Costa Hornai, hatete sira-nia parte sei halo ezersisiu ba lista indultu anteriór ne’ebé inklui eis-Padre Richard Daschbach no mós prijioneiru baibain sira seluk hodi nune’e Prezidente Repúblika José Ramos-Horta bele uza nia kompeténsia fó indultu.
“Agora daudaun ha’u seidauk hasa’e lista indultu maibé pedidu anteriór ne’e sei eziste hela, ita halo hela ezersisiu para Prezidente Repúblika sei hola desizaun iha tempu badak konforme nia kompeténsia,” hatete Ministru Justisa, Sérgio de Jesus Fernanandes da Costa Hornai, ba Jornalista sira iha Palásiu Governu, Segunda-ne’e.
Governante ne´e esplika tuir loloos iha selebrasaun Restaurasaun Indepedensia 20 Maiu no mós Selebrasaun Loron Konsulta Popular 30 Agostu, nune’e balu fó ona indultu no balu seidauk signifiká katak kontinuasaun ba iha prosesu komutasaun peña nomós indultu nia sei la’o nafatin.
Membru Governu ne’e esplika kompeténsia indultu exklusivu Prezidente Repúblika nian no ekipa sei halo servisu hamutuk ho Minstériu relevante liuliu ho Minstériu Justisa, Governu para atu bele iha asertasaun ida oinsá, mak ema sira ne’ebé tama ona ba benefisiáriu ba iha komutasaun peña nomós indultu ninian bele hetan sira nia diretu konforme tuir lei hatete. No lista sira ne’ebé iha ne’e sei halo avaliasaun komportamentu durante sira iha sela laran hodi halo deisaun sé mak bele hetan duni direitu ba indultu nian.
Nia afirma Ministériu Justisa mantein lista anteriór ne’ebé mak iha no seidauk iha mudansa sira ne’ebé mak signifikativu ba iha rekusu.
“Sira ne’ebé mak purvola 700 itál pesoas sira iha direitu bai ha komutasaun peña nomós bai ha indultu ne’e rasik depende bai ha sikuntásia bai ha ema kritériu ne’ebé mak mai husi advogadu sira haré servisu priosionais haré para Prezidente uza nia kompeténsia hodi bele halo admisaun,”nia tenik.
Ministru ne´e afirma kona-bá padre Richard Daschbach ne’ebé to’o agora seidauk hetan indultu ne’e kompeténsia Prezidente Repúblika nian no PR iha razaun rasik tanbasa mak seidauk fó indultu ba padre Richard Daschbach.
Jornalista: Zita Menezes
Written by: RafaFM
MJ Sei Halo Ezérsisiu Ba Lista Indultu Molok Haruka Ba Prezidente Repúblika
todayNovember 20, 2026 11 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt