Noticias

Ministru Interiór husu Sidadaun hotu Selebra Finadu ho Hakmatek

todayOctober 28, 2026 19

Background
share close

Díli, 28 Outubru 2025 (RAFA)- Ministru Interiór (MI) Francisco da Costa Guterre,s husu ba sidadaun hotu atu selebra finadu ho hakmatek no hadook an husi violénsia no provokasaun sira ne´ebé lori ba konflitu.

“Agora daudaun Polísia prepara ona planu no sira la’o tiha ona, ita bolu dehan katak sira prepara planu no asaun ida agora ne’e husi finadu ne’e to’o fulan-Dezembru no  tinan foun 01 Janeiru 2027. Governu sei mai ho rezolusaun ida tan  atu halo operasaun téknika no konjunta Polísia ho forsa atu mantein seguransa no paz,” hatete Ministru Interiór Francisco da Costa Guterres informa ba jornalista sira iha Palásiu Governu, Kuarta-ne’e.

Ministru Francisco Guterres hateten selebrasaun finadu tenke mantein hakmatek, liu-liu joven sira labele provoka malu.

“Husu ba sidadaun sira hotu ita selebra loron boot ne’e ita selebra ho didi’ak tanba ita ba, ita hanoin ikas fali sira, entaun sira ne’e inspira ita para ita halo buat di’ak ruma kona-ba aban, bainrua ne’e nia fó impaktu ba ita nia komunidade sira sorin ne’e, ne’ebé husu ba ita hotu selebra didi’ak, hadook an husi violénsia, provokasaun hadook an lalika provoka malu, ita ba para reza, ba missa no ba hamulak ba ita nia matebian sira tulun ita nafatin hodi defende forte nafatin hodi servisu ba rai ida ne’e hotu”, tenik nia.

Antes ne’e, Komandante Operasaun Nasionál PNTL Komisáriu Asistente Polísia Armando Monteiro mós anunsia Komandu Jerál prepara ona distribuisaun membru ba Komandu Munisípiu hotu hodi asegura movimentu komunidade iha loron finadu, tantu iha kapitál to’o munisípiu.

Jornalista: Juvinal Cabral dos Santos /João Carlos

 

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!