Noticias

Mari Alkatiri Husu Governu Tau Prioridade Ba Setór Saúde no Edukasaun iha OJE 2027

todayNovember 13, 2026 32

Background
share close

Díli, 13 Novembru 2026 (RAFA)- Sekretáriu Jerál Partidu FRETILIN, Marí  Alkatiri, hatete  Orsamentu Jeral Estadu (OJE) 2027 ho montante billaun 2,57 USD ne’e seidauk fó prioridade ba povu nia moris, no Governu  ladún  fó prioridade ba setór saúde no edukasaun.

Primeiru-Ministru iha Primeiru Governu Konstitusionál (2002-2006) ne’e kestiona OJE 2027 ne’ebé Governu aprezenta nia tema oin seluk no estrutura orsamentu la’o oin seluk, no Governu nia kapasidade ezekusaun OJE sira anteriór seidauk masimú.

“Uluk kedan ha’u nia prioridade hotu-hotu hatene ona, prioridade mak edukasaun tenke iha kualidade, saúde tenke ema hotu-hotu ba para atu moris, la’ós ba para atu mate no ekonómia dezenvolvimentu sustentatavél sosiál no ekonómia,” hatete antigu Primeiru-Ministru ne’e.

Nia afirma Governu tau prioridadeba dezenvolimentu infraestrutura maibé laiha retornu ba kofre estadu.  No diversifikasaun ekonómia la tuir vontade maibé tenke iha planu no programa ne’ebé mak di’ak hodi atinje diversifikasaun ekonómia iha rai laran.

Orsamentu Jeral Estadu (OJE) 2027 ho montante konsiladadu   US$2.568.500.000  ka bullaun 2,57 USD fahe ba Administrasaun Sentrál US$2.487.425.696, Seguransa Sosiál US$186.554.230, Rejiaun Administrativa Espesiál Oe-Cusse Ambeno (RAEOA)  US$56.106.818.

Jornalista: Zita Menezes

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!