play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Noticias

Malázia ho Timor-Leste Hametin Koperasaun iha Área Haat

todayAugust 10, 2026 87 13 5

Background
share close

Embaixadór Malázia mai Timor-Leste, Fairuz Adli Bin Mohd Rozali, hasoru malu ho Vise-Primeiru-Ministru, Ministru Koordenadór Asuntu Sosiál, Mariano Assanami Sabino iha Palásiu Governu, Segunda 10 Agostu 2026.

Díli, 10 Agostu 2026 (RAFA) –Embaixadór Malázia mai Timor-Leste, Fairuz Adli Bin Mohd Rozali, Segunda-ne’e,  hasoru malu ho  Vise-Primeiru-Ministru, Ministru Koordenadór Asuntu Sosiál, Mariano Assanami Sabino, hodi diskuti kona-bá kooperasaun iha área edukasaun, saúde, agrikultura, infraestrutura no kapasitasaun rekursu umanus.

Iha hasoru malu ne’e, Embaixadór Malázia Fairuz Adli Bin Mohd Rozali haktuir hasoru malu ida-ne’e hanesan haosru malu dahuluk hodi aprezenta an nu’udár embaixadór foun, no mós diskuti kona-ba oportunidade sira oinsá atu dezenvolve kooperasaun  sira.

“Ami ko’alia kona-bá relasaun ne’ebé besik entre Malázia no Timor-Leste, no mós oportunidade sira atu hametin tan kooperasaun iha área oioin, liu-liu edukasaun, saúde, agrikultura, liu husi infrastrutura, kapasitasaun rekursu umanus,” Embaixadór Malázia ne’e haktuir ba jornalista iha Palásiu Governu.

Nia dehan, enkontru refere sai nu’udar oportunidade atu troka hanoin kona-bá relasaun bilaterál entre Timor-Leste no Malázia, liuliu iha área kooperasaun dezenvolvimentu, kapasitasaun rekursu umanu no kooperasaun iha konteksu ASEAN.

Embaixadór mós hato’o nia prontidaun hodi servisu hamutuk ho governu Timor-Leste atu hametin liután relasaun bilaterál entre nasaun rua ne’e.

Vise-PM Mariano Assanami Sabino agradese tebes ba prezensa embaixadór Malázia nia ne’ebé mai hasoru malu ho nia no hamutuk diskuti oinsá  kolaborasaun ho Malázia ne’e tenke di’ak liután.

Vise-PM agradese ba governu Malázia tanba konsege hamutuk lori Timor-Leste tama iha ASEAN, no  atividade lubun boot ida ne’ebé Malázia ajuda tiha ona ba Timor-Leste .

Embaixadór relata katak, depois  Timor-Leste sai membru  ASEAN ba dala-11 iha  loron 26 fulan-Outubru 2025, Timoroan barak ne’ebé  ba kontinua estudu iha Malázia, nune’e mós turista husi Timor barak mak ba vizita Malázia  no servisu lubun ne’ebé mak parte rua kontinua fó apoiu ba malu.

Jornalista: Cesarina de Carvalho

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!