Noticias

Majistradu Juíz Tribuál Díli Organiza Malu Hato’o Aspirasaun Ba PM Xanana

todayOctober 15, 2026 164 1

Background
share close

Díli, 15 Outubru 2026 (RAFA)- Majistradu Juíz sira husi Tribunál Judisiál Primeira Instánsia Díli (TJPID), Kinta-ne’e, organiza hato’o direta sira-nia aspirasaun ba Primeiru-Ministru Kay Rala Xanana Gusmão.

Aspitasaun sira-ne’e relativa ho sira-nia preokupasaun kona-bá polémika tentativa  “duni sai” majistradu juíz na’in-haat husi sira nia eskritóriu. Tanba asaun enkontru ne’e mosu  hafoin iha Kuarta (14/10), Prezidente Tribunál Rekursu, Afonso Carmona orienta  nia eskoltu Korpu Siguransa Pesoál (CSP) hodi akompãna Juíz Administradór Tribunál Díli, Yudi Pamukas, atu hasai majistradu juíz na’in-haat husi eskritóriu.

Ho aktu ne´e, juíz sira  organiza malu hodi akompaña Juíz António José Fonseca Monteiro de Jesus, Ana Paula Fonseca Monteiro de Jesus, José Gonçalves no Francisca Marques Cabral, hasoru Primeiru-Ministru Xanana Gusmão iha Palásiu Governu, hodi hato’o sira  sira nia preokupasaun ba situasaun ne’ebé sira enfrenta.

Observasaun RAFA iha resintu Palasíu Governu hatudu katak, majisradu juíz Tribunál Díli, mosu iha  resintu Palasíu Governu la’o haketak, hodi hakat bá eskritóriu  Primeiru-Ministru Kay Rala Xanana Gusmão.

Hafoin remata enkontru ho Xefe Governu, jornalista sira husi media nasionál oioin ne’ebé destaka iha Palásiu Governu halo konfiramasaun kedas  kona-bá objetivu sorumuk ne’e, maibé   majistradu sira ne’e informa katak, lei bandu juíz sira ko’alia ho mídia, bainhira sein autorizasaun husi  Konsellu Superior Majistradu Judisiál.

Rekorda fila fali katak, Mandatariu husi  Majistradu Juíz na’in-haat sei keixa krimminál bá Ministériu Públiku atu kontra  Prezidente Tribunál Rekursu Afonso Carmona ho nia  Eskoltu husi   Korpu Seguransa Pesoál,  inklui Juíz Administradór Tribunál Judisiál Primeira Instánsia Díli Yudi Pamukas, ne’ebé deskonfia  halo tentativa koasaun Majistratura.

Jornalista: Marcelino Tomae

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!