play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Noticias

Liga Futsal Timor-Leste, Crazy Horse F.C ho AD Baucau All Star Fahe Pontu Hanesan 3-3

todaySeptember 19, 2026 12

Background
share close

Crazy Horse F.C fahe pontu hanesan ho AD Baucau All Star (BAS) iha Liga Futsal Timor-Leste ne'ebé hala'o iha Kampu Futsal F-FDTL, Díli, Sábadu 19 Setembru 2026.

Díli, 19 Setembru 2026 (RAFA)- Crazy Horse F.C fahe pontu hanesan ho AD Baucau All Star (BAS) hafoin empata ho Score 3-3 iha jogu kontinuasaun Liga Futsal Timor-Leste époka 2026 primeira divizaun jornada daruak, Sábadu-ne’e.

Jogu ne’ebé hala’o iha Kampu Futsal F-FDTL, Díli, ekipa AD BAS ne’ebé mak hatudu ritmu jogu di’ak konsege domína liu bola hodi lansa presaun maka’ás ba Crazy Horse.

Tama ba iha minutu sia (9) esforsu husi BAS hatudu rezulatadu pozitivu hafoin Anzar susesu produs golu ida hodi lori nia ekipa lidera provizoriu ho score 1-0.

Ho golu ne’e obriga ekipa Crazy Horse F.C tenke esforsu maka’ás hodi lansa kontra atake hasoru BAS. Nune’e, tama ba iha minutu 15, Crazy Horse F.C konsege produs golu rua tui-tuir malu iha minutu 15 liu husi jogador Zenio de Sousa no Marnivio Conceicao hodi lori ekipa Crazy Horse FC lidera hikas ho score 2-1.

Score refere la dura to’o tempu naruk tanba liu deit minutu ida Anzar konsege produs tan golu ida hodi halo balansu ba score Sai 2-2 to’o termina jogu priemeira parte.

Hakat ba jogu segunda parte, ritmu jogu kontinua manas hodi lansa kontra atake ba malu.  Maibé tama ba minutu 26,  Isaias Verdial produs golu ida hodi lori nia ekipa Crazy Horse F.C lidera ho score 3-2.

Ekipa rua joga iha ritumu kontra  no halo presaun ba malu, maske nune’e tama ba iha minutu 35 Adelio da Costa husi AD BAS  konsege produs golu ida hodi halo empata ba score sai 3-3 to’o termina jogu segunda parte nian la muda score.

Jornalista: Davilio Valdamir/ Nelson Dias

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!