KTON Kualidade Espesiál no Sabor Orijinál Ne’ebé Diferente

Sidadan estranjeira ho nasionalidade Brazileira, Tábata Mori sosa KTON iha pavilaun empreza grupu ETO iha Feira Nasionál iha Tasi-Tolu, Kuarta (26/11/2025). Imajen/Rafa.tl

DILI, RAFA.tl– Sidadan estranjeira ho nasionalidade Brazileira, Tábata Mori konsidera produtu Kafé Timor Orgániku no Naturál (KTON) iha kualidade espesiál no sabor orijinál kafé Timor espesiál ne’ebé diferente ho kafé sira seluk iha mundu.

Notísia Relevante: KTON Esporta Kafé Espesiál Tonelada 11.80 husi Timor Ba Estadus Unidus Amérika

Sidadan Brazileira ne’e ba Rafa.tl iha Feira Nasionál Proklamasaun Independénsia bad ala-50, 28 Novembru 1975-28 Novembru 2025, iha Tasi-Tolu, Kuarta (27/11/2025), hateten nia pesoál hakarak fó apresiasaun no rekoñesimentu kle’an ba  KTON nia sabor úniku, espesiál, no diferente ho kafé importasaun sira, inklui Kafé Timor sira seluk ne’ebé fa’an iha merkadu nasionál.

Tábata Mori hela iha Timor tinan-haat ba tinan-lima no sempre sosa produtu KTON hodi konsumu, tanba konsidera KTON iha sabor ne’ebé di’ak  no espesiál kompara ho kafé sira seluk.

“Ha’u sente KTON ne’e furak tebes, ami ema Brazil gosta hemu kafé, no ezemplu ha’u hemu kafé KTON ne’e moruk de’it, ha’u la tau masin-midar, tanba nia gostu tebes. Bainhira Kafé ne’e la di’ak, ita hatene kedas, ita labele hemu moruk. KTON gostu, nia intensidade ne’e kapás tebes. Ba Ha’u KTON kafé espesiál tebes,” Tábata Mori hateten bainhira hemu hela kafé KTON iha pavilaun empreza grupu Esperança Timor Oan (ETO) iha feira nasionál iha Tasi-Tolu.

Tábata Mori  hateten tama ba kalan datoluk ona Feira Nasionál iha Tasi-Tlu, nia sempre vizita  Pavilaun empreza grupu  ETO ho intensaun atu  hemu kafé produtu KTON ne’ebé sempre gustu no espesiál iha nia sabor.

“Ha’u koñese kafétaria barak iha Dili, ha’u gosta koko Kafé oi-oi no kafé diferente. Ha’u sente KTON morin no gostu tanba ne’e ha’u deside hemu KTON lor-loron kapás teb-tebes,” Tábata Mori   hateten.

Nia haktuir, primeira-vez koko KTON iha feira Tasi-Tolu, maibé kafé nia sabor atrai tebes atu kontínua konsumu no sosa tan iha pavilaun empreza grupu ETO hodi lori ba uma rai hela hanesan estoke.

KTON hetan ona teste husi laboratóriu internasionál, iha Estadus Unidus Amérika (EUA) ne’ebé deskobre katak KTON  ho nível espesialidade no kualidade ne’ebé di’ak.

Antes ne’e, KTON halo ona esportasaun kafé espesiál ba Estadus Unidus  Amérika ho kuantidade tonelada 11.80 tanba hetan rekoñesimentu hanesan kafé espesiál ne’ebé ho sabor orijinál Timor-Leste nian.

Reportajen ekipa Rafa.tl