Ouvir RAFA Ritmo, Voz e Coração de Timor
Díli, 15 Outubru 2026 (RAFA)- Adjuntu Komisáriu Komisaun Anti-Korupsaun (CAC, sigla portugés) ba asuntu Prevensaun no Sensibilizasaun, Rosario Salsinha Araújo, alerta ba sidadaun no funsionariu públiku hotu tenke komprimenta ba Leí. Labele utiliza veíkulu Estudu tuir hakarak no laiha autorizasaun tanba ne´e konsidera krime.
Ba jornalista sira iha Sentru Formasaun Polísia, Díli, Kinta-ne’e, Rosario Salsinha Araújo, fundamenta bainhira uza patrimoniu Estadu no hetan estragu, ba halo mánutensaun ho kustu ne’ebé boot fó prejuizu ba Estadu.
“Sidadaun kumprimenta ba Leí ne’e tenke obrigasaun, tanba hakerek ona iha Leí. Funsionáriu buka kompriende ba Leí, hatene implementa Leí, labele finze dehan lahatene. Hotu-hotu kompriende ona mais ita labele sente katak karreta Estadu ida motorizada Estadu ida ka patrimoniu sira seluk atu fó mai ita nia an, ita sente ida ne’e ema fó atu valoriza fali ita ka ne’e lae, sasán ne’e Estadu nian, sasán povu nian ne’ebé uza ho kuidadu,” Rosario Salsinha Araújo hateten.
Iha fatin hanesan Komisáriu Adjuntu Investigasaun CAC, Alvaro Maria Freitas hatutan, movimentasaun karreta no motorizada Estadu tenke iha autorizasaun.
“Krime pekulati ba uzu ne’e hanesan ita uza sasán Estadu nian fora husi oras servisu. Movimentasaun karreta Estadu sira ne’e tenke iha autorizasaun. Iha situasaun ne’ebé mak urjenti bele halo movimentasaun, maibé sempre iha koñesimentu husi ita-nia superior ka dirijente sira. Bainhira ita halo movimentasaun ida laiha autorizasaun klaru katak ita halo pekulatu ba uzu,” hatete Alvaro Maria Freitas.
Nia haktuir, operasaun ekipa konjunta husi krime ne’ebé kompeténsia ba CAC mak korrupsaun, utiliza sala patrimoniu Estadu no laiha autorizasaun husi dirijente, no krime sira seluk, hanesan komete infrasaun lei seguransa rodoviáriu no flasifika dokumentu ne’e submete ba polísia no Diresaun Nasionál Transporte no Terrestre (DNTT) mak prosesu no fó sansaun.
Jornalista : Juvinal Cabral /João Carlos
Written by: RafaFM
Krime Utiliza Veíkulu Estadu Ba Interese Privadu
todayNovember 20, 2026 13 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt