Ouvir RAFA Ritmo, Voz e Coração de Timor
Díli, 06 Novembru 2026 (RAFA) – Ministru Defeza (MD), Kontra Almirante Donaciano do Rosário da Costa Gomes ‘Pedro Klamar Fuik’ konfirma projetu konstrusaun Ospitál Amizade militár FALINTIL-Forsa Defeza Timor-Leste (F-FDTL) ne´ebé ho kustu millaun 20 USD sei hahú iha inisiu tinan 2027.
“Relasaun ho doasaun ne’ebé mak ita-nia maluk Xina sira atu fó mak Hospital de Amizade konforme akordu ne’ebé mak estabelesidu dezeñu prelimenar kompleta tiha ona, sira agora finaliza dezeñu depois intermu konstrusaun fulan-Fevereiru ho fulan-Marsu sira hahú, ida-ne’e mak ita sei iha ospitál ida modernu, ita sei ospitál ida di’ak la’ós ba militár sira de’it, mais ba populasaun hotu,” Ministru Defeza Kontra Almirante Donaciano do Rosário da Costa Gomes ‘Pedro Klamar Fuik’ informa ba jornalista sira iha Kuartél-Jenerál F-FDTL, Díli, Sesta-ne’e.
Antes ne’e Konseleiru Embaixada Xina iha Timor-Leste asina ona akordu implementasaun ba projetu ne’ebé sei harii iha Ministériu Defeza no Kuartél-Jenerál F-FDTL Fatuhada nia kotuk.
Projetu inklui ospitál ho kapasidade kama 100, área maizumenus metru kuadradu 10.500, edifísiu prinsipál ida ho andár-ualu, no edifísiu apoiu sira, kompleta ho teknolojia médika moderna hodi fornese servisu konsulta esterna, kuidadu emerjénsia, internamentu, imajiolojia, análizes klínikas no kuidadu intensivu. No Ospitál ne’e sei fó benefísiu la’ós de’it ba militár sira maibé mos ba populasaun hotu.
Jornalista: Juvinal Cabral dos Santos
Written by: RafaFM
Konstrusaun Ospitál Amizade ho Kustu Millaun 20 USD Sei Hahú iha Inisiu 2027
todayNovember 20, 2026 11 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt