Konkursu Foun Ba Monumentu Memoriál Santa Kruz Seidauk Serteza

Ministru ba Asuntu Kombatente no Libertasaun Nasionál (MACLN, sigla portugés), Gil da Costa Monteiro “Oan Soru”. Imajen/Rafa.tl

Díli, 30 Setembru 2026 (RAFA)- Ministru Asuntu Kombatente Libertasaun Nasionál (MAKLN), Gil da Costa “Oan Soru”, informa  konkursu foun ba Monumentu Memoriál Santa CKruz seidauk iha serteza tanba sei hein desizaun balun iha koordenasaun ho Komite 12 Novemru (C12N).

Ministru “Oan Soru” ba jornalista sira iha Palasiu Governu, Kuarta-ne´e hatete, dokumentu definitivu seidauk iha, tanba ne’e seidauk bele anunsia ba públiku bainhira konkursu foun atu loke.

“Konkursu la’o ba mak ita boot foin haré. Dokumentu definitivu ida seidauk iha, ha’u la hatete ba públiku bainhira. Maibé, ita konsidera nafatin, tanba memória Santa Kruz ne’e hahú halo tiha ona,” Gil da Costa “Oan Soru” haktuir .

Governante ne´e esplika buat ne´ebé iha agora mak mudansa ba Sebastião Gomes ninia rate sai mai li’ur, iha kedas oin no  ne’e prosesu la’o hela, maibé entrega hela ba C12N. Tanba ne’e, MAKLN foin konfirma ho Prezidente C12N seidauk fó informasaun. Maibé, prosesu ne´e lao iha iha Prezidente C12N nia liman rasik.

Nia hatutan parte MAKLN no C12N iha ona akordu iha loron 13 fula-Agostu, no agora hein faze implementasaun.

Jornalista: Cristina Ximenes