Komite Revizaun Polítika OJE 2027 Deskute Mobilizasaun Reseita Doméstika

PM Xanana lidera enkontru Komite Revizaun Polítika OJE 2027, Sesta 21 Agostu 2026.

Díli, 21 Agostu 2026 (RAFA)-Vise-Ministra Finansa, Regina de Jesus de Sousa, Sesta-ne’e informa, iha Prioridade Polítika Governu (PPG3) ko’alia kona-bá mobilizasaun reseita doméstika ba sustentabilidade ekonómia nasionál.

“Ohin, ita halo diskusaun PPG3, ko’alia kona-bá mobilizasaun reseita doméstika nian. Ohin Fundu Petroliferu mak Primeiru-Ministru orienta dada hikas. Entaun ohin depois hetan esplikasaun husi entidade relevante sira inklui Ministériu Finansas, PPG3 ne’e lidera mai husi Minsiteriu Finansa ho entidade lubuk ida hanesan Munisípiu Díli, Ministériu Justisa, Ministériu Interiór mak Servisu Migrasaun, Minsiteriu Transporte no Komunikasaun mak Diresaun Nasionál Transporte Terestre (DNTT),” Vise-Ministra Finansas, Regina de Jesus de Sousa ba jornslista iha iha Minsiteriu Finansa, Díli.

Nia esplika, depois hetan esplikasaun husi entidade ida-idak inklui Minsiteriu Finansa,  orientasaun Primeiru-Ministru nian, aprova ho kondisaun ne’ebé sei tuur hamutuk fali ho entidade relevante sira atu bele hadi’a no bele apresiasaun iha tempu sira tuir mai.

Nia afirma, atu tuur hamutuk fali entidade sira ne’ebé ohin PPG3 atu ko’alia ba malu, konsolida mós, tanba iha Prioridade Polítika Governu balun ne’ebé iha duplikasaun ho PPG sira seluk ne’ebé antes ne’e  halo diskusaun ona no iha orientasaun Primeiru-Ministru nian atu fó prióridade mós buat balun ne’ebé ohin Xefe Governu fó orientasaun ne´ebé ko’alia mós kona-bá Servisu  Migrasaun nian.

“Primeiru Ministru fó orientasaun ba reseita nian ne’e, liu-liu mak atu asegura fraude sira, ida ne’e presiza fó atensaun, hanesan kazu balun ne’ebé ohin Alfandega foti sira ne’e presiza fó atensaun. Kona-ba dadus bázika sira ne’e mós presiza fó orientasaun hanesan justisa nian atu fó atensaun sasan sira ne’e,” nia tenik.

Iha aprezentasaun PPG3 ne´e mós, Ministra Finansa esplika katak, bainhira tama ASEAN, Alfándega ne’e buat rua sei zero teks ne’e mak Sales Task no mós import boat, entaun atu troka buat rua ne’e, tenke introdus buat seluk ida ne’e mak iha ne’e.

Prosesu preparasaun ba iha diskusaun sistema depois tenke halo alterasaun ba lei tributária, depois lei ida ne’e rasik, presiza haré uluk. Tanba ne’e seidauk hatene, loloos ne’e tinan ne’e lori ba Konsellu Ministru, maibé seidauk hatene loos atu lori ba bainhira.

Jornalista: Cristina Ximenes