Komisaun Rekrutamentu Suspende Ezame Eskrita Bá Kadete PNTL Foun

Kadete foun PNTL atu tuir ezame iha KFP la konsege tanba komisaun juri rekrutamentu deside kansela tanba presiza ajusta diploma miniteriál.

Díli, 22 Setembru 2026 (RAFA)– Komisaun Rekrutamentu suspende ezame eskrita bá kadete foun Polísia Nasionál Timor-Leste (PNTL) tanba sei halo reajustamentu  bá artigu balu iha diploma ministerial.

Tuir orariu, ezame eskrita bá    Kadete foun PNTL hahú husi Munisípiu Aileu no Ainaro iha Segunda-ne’e,  iha Komisaun Funsaun Públiku, maibé adia tanba sei  halo ajustamentu  bá pontu balun  husi diploma ministerial ne’ebé la reponde ho realidade Timor-Leste nian.

Prezidente Júri Rekrutamentu PNTL, Komisáriu Asistente Polísia José Soares, hatete bá  Jornalista sira iha resintu Komisaun Funsaun Públiku, katak ekipa júri halo ona revizaun bá diploma ministerial tanba  hetan  rekomendasaun  husi Ministériu Edukasaun no Komisaun Funsaun Públika atu halo ajustamentu bá artigu balu iha diploma Miniteriál. Tanba ne’e, komisaun rekrutamentu propoin  proposta   husu  atu ajusta didi’akaArtigu  hamutuk  76, bá parte legál sira atu  halo reajustamentu, maibé ne’e depende Polítika  Minitériu nian.

“Hakarak ka lakohi ita tenke book diploma ministerial,  fó hatene bá alin sira liuliu sira ne’ebé  husi parte Aileu ho Ainaro,  ita apela bá sira atu kuidadu sira iha  nia uma  iha fatin aprende matéria sira ne’ebé  atu sai iha ezame no mós kuidadu saúde to’o tempu ne’ebé ezame sira iha kondisaun di’ak,” Prezidente Júri Rekrutamentu PNTL, Komisáriu Asistente Polísia José Soares hateten.

Komisáriu Asistente Polísia ne´e fundamenta, pontu ezame eskrita  ne’e maka Tetum, Portugés, sei eskrita kona-bá  istoria jiografia, matemátika  no kontiuasaun RDTL ho pergunta 100, sistema ne’e utiliza bazeia bá eltroniku no garantia parsialidade iha ezame refere.

Komisaun rekrutamentu konvida  Komisaun Anti Korrupsaun, Provizoríu Direitus Humanu, atu akompaña komisaun sira nia servisu, Juri Internasionál  husi deferal Australia na’in ida

Iha fatin hanesan Adjuntu Komisáriu Komisaun Anti Korrupsaun ba asuntu  Prevensaun no Sinsibizasaun Rosário Salsinha Araújo hatete,  Komisaun Anti-Korrupsaun  apoia prosesu monitorizasaun bá rekrutamentu kadete foun Polísia, atu asegura prosesu  ezame ne’e la’o ho transparénsia no imparsialidade.

Adjuntu Rosário mós alerta tan  katak, atu prosesu rekrutamentu labele prátika familiarizmu ka nepotizmu ne’ebé bele hamosu polémika iha sosiedade, liu-liu Joven sira ne’ebé hakarak konkore iha rekrutamentu ne’e.

“Monitorizasaun ne’e importante atu asegura katak prosesu rekrutamentu la’o ho transparénsia, justisa no imparsialidade,” hatete Rosário Salsinha Araújo.

Adjuntu Komisáriu CAC ne´e hatutan, falta transparénsia iha prosesu rekrutamentu bele hamosu polémika no kestionamentu hosi sosiedade, liuliu kona-ba alegasaun nepotizmu iha instituisaun Polísia.

Nia mós hatete katak prezensa CAC iha prosesu ne’e parte ida  husi kooperasaun entre CAC no PNTL, atu asegura prosesu rekrutamentu la’o tuir prosedimentu ne’ebé determina ona.

Adjuntu Komisáriu Rosário  mós lembra katak, bazeia bá esperiénsia iha tinan sira liubá, prosesu rekrutamentu kadetes PNTL  ne’e, hamosu polémika, joven sira halo protestu makaas hasoru komisaun rekrutamentu.

Obserasaun RAFA  iha terenu nota katak,  kadete PNTL foun sira husi Munisípiu Aileu, dader ne’e forma iha  resintu Komisaun Funsaun Públiku hodi tuir Ezame eskrita maibé la konsege, tanba ho razaun komisaun rekrutamentu sei halo fali reajustamentu bá diploma Miniteriál ninian

Jornalista: Marcelino Tomae