play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Noticias

Komisaun E Identifika Fasilidade Ró Berlin Nakroma ho Ramelau Presiza Manutensaun

todayJuly 15, 2026 27 3

Background
share close

Díli, 15 Jullu 2026 (RAFA.TL)- Komisaun E Parlamentu Nasionál ne’ebé trata asuntu infraestrutura, semana hirak liubá, halo fiskalizasaun iha Munisípiu Ataúro no proveita haré mós kondisaun ró Berlin Nakroma ho Ramelau.

Prezidente Komisaun E Parlamentu Nasionál Deputadu Marcos Xavier, hateten iha observasaun Komisaun E nian ba ró rua ne’e nota katak presiza iha manutensaun adekuadu hodi garante atendimentu públiku ba iha pasajeru sira.

Iha  Kinta-ne’e Komisaun E bolu APORTIL liuhosi diresaun Diresaun Servisu Transporte Maritima Cabutazen Nasionál hodi bele submete relatóriu manutensaun ró Berlin Nakroma no Berlin Ramelau, nune’e iha Orsamemtu Jerál Estadu (OJE) 2027 bele aloká orsamentu manutensaun tuir nesesidade ró rua ne’e nian.

“Ami haré katak kondisaun ró ne’e AC mós la funsiona, kadeira balu ladún di’ak, depois iha haris-fatin iha ró laran komesa aat ona, ho ida-ne’e mak komisaun E haré katak Orsamentu Jerál Estadu 2027  bele tau mós ba manutensaun ró rua ne’e,” Deputadu Marcos Xavier informa ba jornalista sira iha Parlamentu Nasionál.

Nia afirma husi fasilidade sira ne’ebé la funsiona ne’e sai difikuldade ba pajaseiru sira husi Munisipíu Ataúro no mós Rejiaun Admimnistrativu Espesiál Oé-Cusse Ambeno (RAEOA).

Prezidente Komisaun E ne’e hatutan orsamentu kalkula ba halo manutensaun kada ró presiza orsamentu boot tanba sei fahe ba kategoria tolu mak hanesan manutensaun ba mesin ró, manutensaun ba ró nia isin-lolon no manutensaun ba fasilidade iha ró laran, hanesan AC, haris-fatin, kadeira  sira no mós fasilidade sira seluk tán.

Iha fatin hanesan Diretór Diresaun Servisu Transporte Maritima Cabutazen Nasionál Rolando Xavier hateten, APORTIL halo enkontru ho Komisaun E PN relasiona komisaun E ho ekipa ba halo fiskalizasaun ba ró Berlin Nakroma no Berlin Ramelau.

“Komisaun E rekomenda hela ami prepara dokumentu sira relasiona ho Berlin Nakroma nian, kona-bá jestaun sira ró no maneira manutensaun sira ba ró Berlin Nakroma no Berlin Ramelau nia mak ami mai submete,” hatete Diretór Rolando Xavier.

Nia afirma APORTIL nia implementasaun jestor operasaun ró  bazeia ba lei internasionál maritima sira ne’ebé Timor-Leste adota.

 Jornalista: Zita Menezes/Editór: Vito Salvadór

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!