play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Noticias

Kombate Scam Call Centre, Polísia Detein Xinés Na’in-Neen iha Colmera no Na’in-Rua Suspeitu Antigu Ne’ebé Tribunál Liberta

todaySeptember 2, 2026 124

Background
share close

Polísia detein suspeitu na'in-neen ne'ebé alegadu envolve iha atividade ilísitu scam call centre iha área Colmera, Díli, Kuarta-kalan, 02 Setembru 2026.

Díli, 02 Setembru 2026 (RAFA)- Polísia Nasionál Timor-Leste (PNTL) liuhuosi Diresaun Servisu Investigasaun Kriminál (DSIK) hamutuk ho Diresaun Servisu Informasaun Polísia (DSIP), Kuarta-kalan, detein Xinés na’in-neen iha área Colmera  tanba alegadu envolve atividade scam call centre iha área Colmera, Díli.

Polísia halibur prova sira iha relasaun ho atividade scam call centre iha uma ida iha Colmera, Díli.

Husi suspeitu na’iun -neen ne’e, Polísia identifika na’in-ru hanesan suspeitu antigun ne’ebé envolve iha kazu scam call centre ne’ebé Tribunál Judisiál Primeira Intánsia Díli (TJPID) liberta iha primeiru interogatoriu tanba Tribunál konsidera kapturasaun no detensaun ba illegal.

Observasun RAFA  nia iha ámbitu operasaun no buska lokál atividade scam call centre iha Colmera, hale’u tuku 19:00 Otl,  autoridade seguransa tama ba rezidensia ida detein sidadaun estranjeiru Xina na’in-neen.

Uma ne’ebé sidadaun estranjeiru sira utiliza ne’e ho modelu andár rua no parte okos utiliza ba faan karreta no parte andár leten utiliza ba atividade ilísitu scam call centre.

Durante autoridade seguransa hala’o buska no aprensaun ne’e identifika sidadaun estranjeiru  husi Xina hala’o hela atividade ilisitu scam call centre utiliza aparelu internet Starlink-ida, router-ida no instala meza boot haat tau kadeira hamutuk sia (9), armariu rua no ventuña rua.

Autoridade seguransa halo mós apreensaun ba evidénsia sira seluk tan mak hanesan laptop-neen, komputadór-haat, telefone seidauk sura, karreta ida inklui sasán sira seluk ne’ebé mak iha relasaun fasilita ba atividade ilísitu scam call centre ne’e.

Hafoin autoridade seguransa halo buska no apreensaun kontinua kedas lori sidadaun estranjeiru ho nasionalidade Xina na’in-neen ne’e  hamutuk ho evidénsia sira ba iha edifisiu DSIK Komandu Jerál PNTL, Díli hodi kontinua ba prosesu idneitifkasaun, investigasaun no detensaun.

Jornalista: Juvinal Cabral dos Santos

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!