Ouvir RAFA Ritmo, Voz e Coração de Timor
Díli, 19 Outubru 2026 (RAFA)- Komandante Sentru Formasaun Polísia Nasionál Timor-Leste (PNTL) Superintendente Polísia Basilio de Jesus, garante renovasaun fatin formasaun sira la’o hela, atu simu ajente PNTL foun iha fulan-Novembru ne’e.
“Komandante Jerál PNTL Komisáriu Asistente Polísia Afonso dos Santos, fó instrusaun iha kedas fulan liubá komesa hahú halo renovasaun, tantu iha sentru formasaun iha Comoro, imi haree to’ok agora komesa hadi’a ona moru, hadi’a tan fatin balun fatin ne’ebé mak ita sei uja bá formasaun fulan ida oin mai tantu iha Díli, iha Rairobo, Atabae kompania marítima mós agora tama hela, halo hela reablitasaun iha ne’ebá halo renovasaun porvolta fulan-Novembru laran ne’e remata. Kuandu remata ona ita hahú ita nia eskola signifika agora iha hela prosesu andamentu halo manutensaun no reparasaun ba fatin sira ne’e kuandu hahú ita nia fatin sira ne’e di’ak hotu,” hatete Superintendente Polísia Basilio de Jesus ba jornalista sira iha Sentru Formasaun Polísia Comoro, Segunda-ne’e.
Komandante Sentru Formasaun PNTL rekoñese kondisaun iha hela faze renovasaun, kompañia ne’ebé hetan kontratu husi Ajénsia Dezenvolvimentu Nasionál verifika fatin sira prepara ba kadete sira.
“Lalika duvida, kuandu orsida ita hahú ita nia formasaun dentru fulan Novembru no Dezembru hahú formasaun signifika sentru formasaun nia kondisaun preparadu di’ak atu ba fó formasaun ita nia ajente foun sira” tenik nia.
Antes ne’e Fundasaun Mahein preokupa kondisaun fatin formasaun Rairobo, Atabae no Comoro limitadu atu akumula kadete foun. Maibé Komandu garante fatin sira sei prontu molok formasaun hahú.
Jornalista: Juvinal Cabral dos Santos
Written by: RafaFM
Komandante Sentru Formasaun PNTL Garante Fatin Sufisiente Simu Kadete Foun iha Novembru
todayNovember 20, 2026 13 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt