Kazu Scam Call Centre Colmera, Tribunál Aplika Médida Proibisaun Aujénsia no Kausaun 4000.00 USD Ba Arguidu Sira

Arguidu sira kazu scam call centre iha Colmera partisipa iha primeira interogatoriu iha TJPID, Sábadu 05 Setembru 2026.

Díli, 05 Setembru 2026 (RAFA)– Tribunál  Judisiál Primeira Instánsia Díli  (TJPID) liu husi  Julgamentu Prirmeiru Interogátoriu bá kazu  scam call centre Colmera, Sábadu-ne’e, aplika medida  koasaun proibuisaun aujénsia no kausaun 4000,00 USD ba arguidu na’in-neen ne’ebé alegadu envelve ih atividade ílisitu scam call centre.

Arguidu sira-ne’e Polísia  Nasionál Timor-Leste halo apreensaun no detensaun iha Kuarta-kalan, 02 fulan-Setembru ne’e, hia rezidénsia ida ne’ebé arguido sira arrenda iha área Colmera, Díli.

Bainhira hahú audénsia julgamentu prirmeiru interogátoriu, Juíza prosesu Jumiaty  Maria Freitas halo identifikasaun bá arguidu sira hodi konfirma sira nia identidade kompletu, nasionalidade,  moris-fatin,  no mós konfirma objetu apreensaun ba sasán sira hanesan komputadór, telemóvel, no osan ne’ebé polísia foti iha fatin akontesimentu  tuir obrigasaun artigu 240 iha Kódigu Prosesu Penál (KPP) Timor-Leste.

Iha audénsia  interrogatoriu dahuluk ne’e,  Ministru Públiku ne’ebé reprezenta husi Prokuradór Rafael Gusmão akuza argiudu sira komete  krime haat (4);  asosiasaun kriminoza, burla informátika, esplorasaun jogu ilísitiu ho  brankeamentu kapitál.

Prokuradór Rafael  iha nia alegasaun solita bá Tribunál hodi aplika medida kausaun bá arguidu na’in-neen (6), kada arguidu 5000.00 USD   ho medida proibuisaun aujénsia

Advogadu Eusébio Xavier Victor  ne’ebé fó asistensia legál bá arguidu sira konkorda ho alegasaun Ministériu Públiku, maibé husu Tribunál   atu hatún  valór kausaun,  no aplika mós proibisaun Aujénsia.

Rona tiha alegasaun,  Tribunál konsidera   faktu ne’ebé Minitériu Públiku  aprezenta  iha autos, hanesan  utiliza aparelu internet Starlink-ida, router-ida no instala meza boot haat tau kadeira hamutuk sia (9), armariu rua no ventuña rua, laptop-neen, komputadór-haat, telefoni no  sasán sira seluk ne’ebé mak iha relasaun fasilita ba atividade ilísitu scam call centre

Ho baze bá objetu sira  ne’e Tribunál intende katak,  krime haat ne’ebé Ministériu Públiku  akuza iha indísiu  sufisiente. Tanba ne’e liu husi despaisu Juíza Jumiaty Maria Freitas, aplika medida kausaun 4000.00 USD  bá kada arguidu prazu 10  selu bá Tribunál ka Minitériu públiku, no mós Médida koasaun Prebuisaun Aujénsia.

Tribunál mós foti tiha arguidu sira-nia pasaporte  hodi bandu sai husi territóriu Timor-Leste tanba prosesu investigasaun seidauk remata.

Karik  arguidu viajen bá li’ur, ka muda hela fatin, tenke iha koñesimentu husi Tribunál ho Minitériu Públiku.

 Jornalista: Marcelino Tomae/Juvinal Cabral dos Santos