Noticias

Kandidatu Na’in-86 Husi Dom Aleixo Konkore Ba Membru Parlamentu Foin-Sa’e

todayNovember 13, 2026 27

Background
share close

Díli, 13 Novembru 2026 (RAFA)- Kandidatu na’in-86 husi Postu Administrativu  Dom Aleixo, Munisípiu Díli, konkore ba selesaun no eleisaun membru Parlamentu Foin-Sa’e Timor-Leste períodu 2026-2029.

Husi numéru konkorente sira-ne’e, sei hili mane ida  no feto ida hodi reprezenta Postu Administrativu Dom Aleixo  iha Parlamentu Foin-Sa’e Timor-Leste.

Molok hakat ba eleisaun,  kandidatura sira hala’o uluk kampaña hodi aprezenta sira nia planu no programa importante sira  baihira hetan fiar hola parte iha Membru Parlamentu Foin-Sa’e Timor -Leste nian.

Lidia Albertina Tavares, membru Parlamentu Foin-Sa’e Timor-Leste,  ba jornalista sira, Sesta ne’e, informa katak Postu Administrativu Dom Aleixo rejista aplikante kandidatura hamutuk ema na’in-86, no bainhira hetan konfiansa husi membru sira mak sei  fó fiar ba kandidatura feto ida no mane ida, hodi reprezenta Postu administrativu Dom Aleixo ba iha membru Parlamentu Foin-Sa’e Timor-Leste.

Nia garante katak prosesu hotu ba rekrutamentu membmru Parlamentu Foin-Sa’e Timor-Leste hala’o ho transparansia no liuhusi eleisaun.

Iha fatin hanesan reprezentante kandidatura, Mercia Maria Soares da Silva haktuir nia parte hakarak envolve aan iha membru Parlamentu Foin-Sae Timor-Leste nian no mehi hakarak lori nia sai juven ida ne’ebé maduru liután iha futuru.

Nia hateten bainhira hetan fiar sai membru Parlamentu Foin-Sa’e Timor-Leste nia esforsu hodi bele atinji mehi sai lideransa tanba futuru nasaun ne’e iha joven nia liman.

“Hau hili dalan ne’e hakarak sai lideransa ne’ebé hatudu ba joven seluk katak, ha’u mós bele no joven Timor-oan hotu bele,” Mercia hateten.

Parlamentu Foin-Sa’e Timor-Leste nudar espasu ba joven ho idade tinan 12 to’o 17, atu aprende no pratika demokrasia, lideransa, no formasaun sidadania, hodi sai sidadaun  sivíka no responsavél.

Jornalista: David Gonçalves

 

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!