Kandidatu Defesór Públiku Primeira Klase Na’in-Haat Bá Defensóriu Públiku Jerál

Ministru Justisa, Sérgio de Jesus Fernandes da Costa Hornai.

Díli, 24 Setembru 2026 (RAFA)— Governu liu-husi Ministériu Justisa haree ona kandidatu na’in-haat husi Defensór Públiku Primeira Klase (feto na’in-rua no mane na’in- rua) ne’ebé sei priense pozisaun Defesór Públiku Jerál bá mandatu tinan haat.

Kandidatu na’in-haat ne’e mak Márcia Filipe Sarmento, Adjunta Defensória Públika; Sebastião Almeida, Inspetór-Xefe ne’ebé hala’o servisu iha área inspetória; Olga Barreto Nunes, eis Adjunta Defensória Públik Jerál; no Fernando Lopes Carvalho, Defensór Públiku Primeira Klase.

Ministru Justisa, Sérgio de Jesus Fernandes da Costa Hornai hatete bá RAFA  iha Ministériu Justisa, Kinta-ne’e, katak, iha ona kandidatu na’in-haat husi Defensór Públiku Primeira Klase ne’ebé kumpre rekezitu legál atu konsidera bá pozisaun Defensór Públiku Jerál Timor-Leste.

Membru Governu ne’e haktuir, kandidatu na’in haat ne’e kompostu husi feto na’in-rua no mane na’in-rua, no sira hotu hetan admisibilidade tuir rekezitu legál sira ne’ebé determina iha Estatutu Defensória Públika.

Nia afirma,  kandidatu na’in-haat ne’e sei iha prosesu selesaun atu determina ema ida ne’ebé sei assume pozisaun Defensór Públiku Jerál Timor-Leste. Tanba Pozisaun Defensór Públiku Jerál mak lidera instituisaun Defensória Públika no iha responsabilidade atu garante prestasaun asisténsia no defeza jurídika ba sidadaun sira, ne’ebé previstu ona lei.

“Hirak ne’e hotu  foin iha faze proposta, tanba Ministériu Justisa uza ninia kompténsia prevista iha lei komforme iha estatutu Ministériu Jusita ninian no mós  esatatutu Defensór Públiku ninian sei haree  entre  eskolla sira ne’e, hodi halo sub-proposta tama iha lista nomeasaun  hodi hato’o Primeiru Ministru Kay Rala Xanna Gusmão mak iha kompeténsia propriu,” tenik Ministru Justisa.

Ministériu Sérgio Hornai foti desizaun  no  nomeia Adjunta Defensór Públiku Jerál, Marcia Filipe Sarmento, nu’udar Defensór Públiku Jerál Interina,  hodi hein prosesu nomeasaun definitiva bá mandatu tinan haat tuir mai  hodi  Defensór Públiku Jerál Câncio Xavier ne’ebé termina ona mandatu iha  23 fulan Agostu liu-bá

Ministru Justisa hateten katak mandatu Defensór Câncio Xavier nu’udar Defensór Públiku Jerál remata ona iha loron 23 fulan Agostu. Maibé, tanba razaun balu no nia hala’o hela servisu iha rai-li’ur, prosesu substituisaun foin hala’o iha fulan Setembru.

Tanba ne’e, Ministériu Justisa, rona no tetu haree bá estatutu Defensóriu Públiku ninian halo  ponderasaun bá situasaun sira-ne’e, halo desizaun ida hodi halo substitusaun bá iha adjuntu Defesór Públiku Jerál Marcia Filepe Sarmento hanesan defesór Públiku Jerál interina  hodi hein nomeasaun defenitiva bá iha Defesór Públiku jerál bá tinan haat tuir mai.

Nia haktuir, Presiza haree mós konsellu Superior sira presiza reuniaun, sira presiza aprezenta akta rauniaun, ka delibersaun husi mai husi kosellu siperior majislatura judisiál, bazeia bá estatutu Defensóriu públiku ninian aprezenta mai iha Ministériu Jusitisa.

Ho baze ida-ne’e Ministériu Justisa haree bá iha kandidatu sira ne’ebé  maka tuir proposta ne’ebé mai husi konsellu superior eskolla entre sira ne’e  ida atu bele halo submisaun nu’udar  proposta bá Primeiru Ministru, atu nune’e bele halo omologasaun ka aprovasaun, finalmente atu halo nomeasaun bá iha defesór Públiku jerál  bá iha madantu tinan haat.

Nia dehan, Defensór Públiku hanesan servisu ida-ne’ebé importante atu garantia funsionamentu iha  jusitisa adminitrasaun ninian liu-liu atu asegura no garante bá iha téknika jurídika judisiál, estra judisiál bá  iha sidadaun sira iha administrasaun justisa ninian.

Nia fundamenta, pilár fundamentál ida husi triangúllu justisa ninian hanesan estadu defeza, Estadu akuzatóriu  no mós estadu desizoriu ne’ebé  konsitui  iha pilár fundamentu tollu iha setór justisa Timor-Leste.

Jornalista: Marcelino Tomae