Noticias

Kadete PNTL Na’in-125 Hahú Prova Médiku

todayNovember 13, 2026 150

Background
share close

Díli, 13 Novembru 2026 (RAFA)–Kadete ajente Polísia Nasionál Timor-Leste (PNTL) na’in-125, Sesta-ne’e, hahú tuir teste médiku ba loron dahuluk nian.

Prezidente juri rekrutamentu Polísia Nasionál Timor-Leste (PNTL) tinan 2026, Komisáriu Asistente Polísia José Soares ba jornalista sira iha Sentru Formasaun Polísia (CFP), Comoro, Díli, hateten Komisaun Rekrutamentu tinan 2026, halo teste ikus nian iha selesaun.

“Ita hahú teste médiku ba ema 125, ita halo re-verifikasaun ba sukat sira nia altura ho sira nia todan no depois sira médiku sei haree teste sira seluk, haree tato sira sei halo iha ne’e depois Sábadu-aban kontinua fali teste iha Ospital Nasionál Guido Valadares,” Komisáriu Asistente Polísia José Soares informa.

Prezidente Juri Rekrutamentu informa, kandidatu ne’ebé hahú ho prova médiku mai husi munisípiu Aileu, Ainaro, Ataúro, Baucau, Bobonaro no Covalima.

Antes ne’e, oráriu ba kandidatu sira husi kada munisípiu sira ne’ebé atu teste kompletu ona, taka iha munisípiu no eskuadra Polísia sira.

Se mak tarde liu iha teste médiku ran nian sei la tolera, ida-idak tenke tuir orariu.

“Depois teste saúde hotu ne’e fim ona hodi kontinua ba iha formasaun, maibé teste saúde hotu ita sei aprezenta ba iha governu rezultadu teste saúde nian ikus ne’e hira ita sei hato’o ba iha Ministru Interior. Depois ministru mak iha kompetensia atu deside buat balun,” tenik nia.

Iha fatin hanesan Diretora Enfermajen HNGV Maximiana Livania agradese ba PNTL tanba fó konfiansa ba HNGV hala’o prova médika.

“Ami garante katak ami nia médiku espesialista sira, husi espesializasaun mak foin ami mai ne’e garante katak buat hotu sei la’o ho transparansia atu nune’e ita nia Juventude sira ne’ebé mak aplika iha kandidatura ida-ne’e sira bele hetan satisfasaun,” hatete Maximiana Livania.

Nia haktuir teste prova médika sei hala’o durante loron sanulu, komesa loron 13 to’o  loron 21 fulan-Novembru ne’e.

Teste médiku ba kandidatu sira sei kobre matan, tilun, fuan, nehan, kulit, altura, interna no sirurjia. Resultadu finál sei hato’o ba Ministru Interiór Francisco da Costa Guterres hodi foti desizaun tuir kompeténsia.

Jornalista: Juvinal Cabral dos Santos

 

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!