Ouvir RAFA Ritmo, Voz e Coração de Timor
Asaun pasifiku ne'ebé joventude sira hala'o iha Santa Kruz hodi hamosu masakre boot 12 Novembru 1991. Imajen/Dok.Repro
Díli, 12 Novembru 2026 (RAFA)- Prezidente Repúblika, José Ramos-Horta, husu juventude Timor-oan hotu tenke sai hanesan ajente ba mudansa, domina teknolojia, buka edukasaun no rejeita divizaun, hodi kontribui ba harii nasaun ne’ebé nakonu ho dame no dezenvolvimentu.
Xefe Estadu hato’o nia mensajen ne’e iha komemorasaun loron nasionál juventude no hanoin hikas Masakre Santa Kruz 12 Novembru 1991.
Ramos-Horta afirma, korajen no sakrifísiu juventude sira nian iha 1991 sai inspirasaun ba jerasaun foun atu kontinua harii futuru nasaun.
“Ho espíritu 12 Novembru nian, ha’u bolu Timor-oan hotu atu hamutuk hodi harii pás no prosperidade ba dezenvolvimentu sustentável. Ita-nia arena foun la’ós ona konflitu, maibé kriasaun, inovasaun, no kompetisaun rejionál. Ha’u husu ba ita-nia joven sira atu domina teknolojia, atinji edukasaun, rejeita divizaun no sai líder iha área hotu-hotu. Imi la’ós de’it líder sira ba aban-bainrua nian; imi mak ajente sira ba mudansa iha loron ohin,” hatete Prezidente Repúblika José Ramos-Horta.
Xefe Estadu mós subliña, komemorasaun ne’e la’ós de’it atu hanoin fali luta no sakrifísiu ba independénsia, maibé atu hametin unidade, pás, solidariedade no identidade nasionál.
Dezafiu Timor-Leste ohin loron la’ós ona konflitu, maibé kriasaun, inovasaun no kompetisaun rejionál. Tanba ne’e, juventude tenke prepara an ho edukasaun no teknolojia atu enfrenta dezafiu sira iha futuru.
Prezidente Repúblika konvida Timor-oan hotu, liu-liu juventude, atu hamutuk harii pás no prosperidade ba dezenvolvimentu sustentável iha nasaun.
Jornalista: Cristina Ximenes
Written by: RafaFM
Juventude Tenke Sai Ajente Ba Mudansa no Hametin Unidade Nasionál
todayNovember 20, 2026 11 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt