Joaquim Fonseca “Russuo” Deklara Nia Kandeidatura Prezidente Repúblika iha Eelisaun Prezidensiál 2027

Joaquim Fonseca “Russuo” hamutuk ho nia apoiante sira, Kinta ne’e, iha Díli, deklara ofisiál nia kandeidatura ba Prezidente Republika iha elisaun Prezidensiál 2027.

Díli,  23 Jullu 2026 (RAF.TL)- Eis Sekretáriu Jerál RENETIL, Joaquim Fonseca “Russuo” hamutuk ho nia apoiante sira, Kinta ne’e,  iha Díli, deklara ofisiál nia kandidatura ba Prezidente Repúblika iha elisaun prezidensiál  2027.

Joaquim ‘’Russuo’’ Fonseca hatete, desizaun ida ne’e, la’ós iha ligasaun husi partidu ruma, maibé kandidatu indepedente liu husi nia reflesaun naruk ida hodi análize  kona-bá situasaun sira ne’ebé maka dadaun ne’e akontese iha Timor-Leste.

Nia afirma Timor-Leste hasoru hela situasaun no dezafiu estruturais no Governánsia sira tanba ne’e nia parte hakarak kandidatu-an ba iha eleisaun Prezidensial 2027, ho intensaun  hakarak atu hadia fallansu ruma ne’ebé maka estadu seidauk bele hadia hanesan sistema juridiku, hadia mós integridade instituisaun sira, hodi bele determina Timor-Leste nia futuru ekonomiku no fundasaun ba demkrasia iha Timor-Leste.

“Ha’u nia desizaun ida ne’e nu’udar sentidu dever hanesan  Timoroan, hakarak atu kontirbui ba dezenvolvimentu nasionál,” Joaquim Fonseca “Russuo” hateten.

Joaquim Fonseca informa, atu rezolve probema hotu ne’ebé maka akontese iha rai-laran, Timor-Leste presiza lideransa ida ne’ebé iha prinsipiu rasik, iha vizaun aas ba Timor-Leste, no responsavel atu atende ba nesidade nasaun nian.  Liu-liu hakle’an liu tan rede kooperasaun entre nasionál no internasionál sira, hodi fo resposta ne’ebé maka adekuadu hodi bele determina Timor-Leste nia futuru ida ne’ebé prospero liu.

“Ita kuandu ko’alia kona-bá ba lideransa iha ita nia rai, ita tenke hanoin nafatin katak, ita fó onra, ita respeita maka’ás kontribuisaun husi ita nia lider aktual husi sira ne’ebé kontribuissaun ba Timor-Leste ne’e iha Historia ne’ebé naruk, sira ne’ebé funda no kuda sira nia partisipasaun iha Libetasaun da Patriaida ne’e buat ne’ebé ita labele haluha,”  Russuo argumenta.

Tuir Joaquim Fonseca rekizitu sira partisipasaun iha luta ne’e importante tebes no sai hanesan prova ida ba lider sira nia komprimisu, no desizaun lider sira nia hodi dedika sira nia-aan ba Timor-Leste nia luta libertasaun nasionál. Maibé iha era ukun aan ida ne’e Timor-Leste presija mos lideransa nasionál sira ne’ebé mai ho sira nia vizaun rasik ba, no iha kompetensia profesionál, hodi nu’uné labele depedensia deit ba kredensiais resistensia nia

Joaqum Fonseca nia intensaun ba kandidatu iha eleisaun prezidensiál ida ne’e maka hakarak hamutuk ho sei deit maka iha mehi ba Timor-Leste atu harii nasaun ida ne’ebé forte, liu husi nia lema ‘’ Prezidente ba Timor-Leste ida de’it, Nasaun ida, povu ida, futuru ida’’.

Jornalista: Remigia Locatelli/Editór: Vito Salvadór