Ian Martin Informa Ba Ramos-Horta Kona-bá Lansamentu Filme Istória Luta Rezisténsia Timor-Leste

Xefe UNAMET, Ian Martin hasoru malu ho PR José Ramos-Horta iha Palásiu Prezidénsial, Segunda 28 Setembru 2026.

Díli, 28 Setembru 2026 (RAFA)- Reprezentante Espesiál Sekretáriu-Jerál Nasaun Unidas (ONU) bá Konsulta Populár iha Timor-Leste no Xefe Misaun UNAMET iha 1999, Ian Martin, Segunda-ne’e,  informa ba Prezidente Repúblika José Ramos-Horta, kona-bá lansamentu filme dokumentáriu istória Luta Rezisténsia Timor-Leste ne´ebé sei realiza iha loron 29 fulan-Setembru, tinan-ne´e.

Ian Martin ba jornalista sira iha Palásiu Prezidensiál katak nia bele mai fali Timor-Leste, parte ida husi ninia istória,  no kontente tebes iha Timor-Leste ba lansamentu filme ida ne’ebé importante tebes.

Filme rezisténsia ne’ebé konta istória tomak kona-bá rezisténsia povu Timor nian ne’ebé kulmina iha referendu istóriku.

“Ha’u konserteza iha momentu ne’eba hanesan Xefe UNAMET, Misaun Nasoins Unidas nian ne’ebé hala’o konsulta populár. Entaun, lansamentu filme ne’e sei halo lansamentu Tersa-kalan  no ha’u hein tebes katak iha tempu badak ita-boot sei iha oportunidade atu haré saida mak filme ida, ne’ebé di’ak tebes,” hatete Ian Martin.

Ian Martin hatutan filme ne’e sei haree personajen Prezidente Repúblika, José Ramos Horta ho Primeiru Ministru, Kay Rala Xanana ne´ebé sei hatudu barak iha filme ne’e kona-ba papél iha nasaun no depois iha nivel internasionál.

Prezidente Repúblika, José Ramos Horta sei haré filme ba dala uluk iha Tersa-kalan. Nune’e mós Timoroan sei kontente tebes ho filme refere.

Ian Martin, hamutuk ho ekipa produsaun filme mós aprezenta ona bá Primeiru-Ministru (PM), Kay Rala Xanana Gusmão kona-bá produsaun filme dokumentáriu ho títulu “REZISTÉNSIA ka RESISTANCE 1975–1999”, ne’ebé foka bá istória luta rezisténsia Timor-Leste.

Produsaun filme ne’e hala’o liuhosi kooperasaun entre ekipa produsaun, Gabinete Primeiru-Ministru (GPM), Arkivu no Museu Rezisténsia Timor-Leste (AMRT) no entidade relevante sira seluk. Filme ne’e sei lansa iha okaziaun Dili International Film Festival (DIFF) 2026.

Jornalista: Cristina Ximenes