Ouvir RAFA Ritmo, Voz e Coração de Timor
Díli, 08 Outubru 2026, (RAFA) – Prezidente Repúblika, José Ramos-Horta, afirma nia sei tetu ho didi´ak atu rekandidata ba Prezidente Repúblika iha eleisaun Prezidensiál 2027, maske karik Primeiru-Ministru no Prezidente CNRT Kay Rala Xanana Gusmão mak husu.
“To’o agora Primeiru-Ministru seidauk ko’alia ho ha’u. Sim, ami bainhira hasoru malu, la ko’alia buat ida ba prezidensiál 2027, ha’u mós la ko’alia buat ida ba ida ne’e. Ha’u hatete mak ne’e, ha’u pesoalmente, mézmu avó Nana husu karik, ha’u atu kandidata an, ha’u tenke sukat didi’ak lai, se ha’u hakarak ka la’e,” José Ramos-Horta hateten ba jornalista sira iha Aeroportu Internasionál Prezidente Nicolau Lobato, Kinta-ne´e.
Ramos-Horta esplika, tinan lima tan todan loos, bainhira eleitu hikas iha 2022, sempre reza ba Nai Maromak, nune’e tinan lima ne’e selebra lalais. Tanba ne´e atu ba tan tinan lima sei tetu didi’ak lai.
Nia haktuir, iha kandidatu potensiál balun di’ak, hanesan Ministru Bendito Freitas, Rui Maria de Araújo, Helder da Costa no mós elementu CNRT seluk tan.
“Purtantu se-se mak kandidatu an, se-se mak eleitu, ha’u kontinua apoiu. Ha’u hatete seidauk prontu, ha’u sei hanoin didi’ak lai, tetu didi’ak lai,” Ramos Horta konklui.
Jornalista: Cristina Ximenes
Written by: RafaFM
Horta Sei Tetu Molok Deklara Rekandidata Ba Prezidente Repúblika 2027
todayNovember 20, 2026 13 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt